طبخاتي المصورة بالخطوات والصور خطوة خطوة 2024.

لازانيا

المقادير

لحمة مفرومة انا بستعمل نص كيلو
6 بندورة مقشرة ومغسولة
2 فص ثوم
4 بصلات مفرومين ناعم
ملعقتين معجون طماطم
جبنة موزاريلا
رشة ملح
رشة بهار
معكرونة اللازانيا

الطريقة

اولا نسلق اللازانيا انا بجيبها جاهزة وفي منها ما بينسلق

نقلي اللحمة جيدا حتى تستوي ثم نضيف اليها البصل ونحرك

ثم نضيف الثوم ونحرك

ثم نضيف البندورة بعد فرمها ناعم جدا

ثم نضيف معجون الطماطم

ثم نضيف الملح والبهار ونحرك ونتركهم حتى يغلو حوالي الربع ساعة على نار هادئة

بعد الانتهاء نرفعهم عن النار ونضع قليل من الخليط في قاع صينية الفرن ونرش شوية جبنة حسب الرغبة

ثم نضع طبقة من عجين اللازانيا فوقه

ونصب قليل من الخليط فوقها

ونضع طبقة من عجين اللازانيا ثم الخليط وهكذا طبقة فوق طبقة لحد ما ينتهي الخليط واذا تحبو بتقدرو تحطو جبنة بين الطبقات حسب الرغبة

وبعد ما ننتهي نضع الباشميل

ثم نرش الجبنة عالوجه

وندخلها لفرن

ونتركها حتى تستوي الجبنة وتحمر وهذا شكلها بعد ما انتهت

نتركها حتى تبرد ونقدمها لا تعملو متلي تقطعوها وهي نار انا اضطريت اقطعها عشان الاولاد ما عادو يصبرو شوفو شكلها كيف اخترب احسن نتركها لتبرد ثم نقطعها ونقدمها وبالهنا والعافية

يتبع

المقادير والطريقة

اولا تحتاجي لصدور دجاج طبعا حسب حاجتك انا حطيت اربعة قطعيهم لقطع صغيرة واتركيهم على جنب

ثانيا جيبي بصلة نص حبة فليفلة حمرا ونص حبة فليفلة خضرا قطعيهم شرائح وخلهم على جنب

وطبعا بدك صوص جيبي علبتين ساور كريم وعلبة ثيك كريم وبقولولها قشطة واذا لقيتي الصلصة قليلة ممكن تزيدي علبة ساور كريم طبعا نحكي بالعلبة الصغيرة

واكيد ما ننسى المعكرونة اهم شي بطبختنا معكرونة خاصة بالفيتوتشيني ملونة اسلقيها وصفيها واتركيها

نبدا بالدجاج جيبي طنجرة حطي فيها شوية زبدة وذوبيها

بعد ما تذوب حطي الدجاج وقلبيه لحد ما يستوي وينشف من المي انتبهي ما يحترق

بعد ما يستوي الدجاج حطي البصل والفليفلة فوقه

قلبيهم منيح واتركيهم على نار خفيفة

جيبي طنجرة تانية وحطي فيها الساور كريم والقشطة

حركيم لحد ما يذوبو منيح متل الصورة وحطي فوقهم رشة ملح بس انتبهي لا تخليه يغلي لان بيطرش الدنيا

بعد ما يذوب حطي المعكرونة فوقه

وجيبي الدجاج والخضروات وحطيهم فوقهم

وقلبيهم منيح منيح لحد ما يمتزج مع بعض ويصير هيك

اتركيهم لحد ما يبدو بالغليان وارفعيهم عن النار واسكبيها وقدميها ساخنة

وممكن تقدميها بطريقة تانية حطي فوق الصحن جبنة وحطيه شوي بالميكرويف لحد ما تذوب وقدميها وذوقيها وتلذذي باحلى فيتوتشيني

يتبع

المقادير والطريقة

اولا نحتاج معكرونة اي نوع معكرونة بتحبيه

باللحم

اسلقي المعكرونة وحطيها بالمصفاية عشان تصفي واتركيها

شغلي الفرن عشان يحمى

تحتاجي الى لحمة مفرومة وبصل انا ما حطيت معايير انتي بتقدري حسب طبختك

حطي شوية زيت بالطنجرة واقلي البصل وبعد ما يذبل حطي فوقه اللحمة وحركيهم حتى تستوي اللحمة

بعد ما تستوي اللحمة حطي فوقها المعكرونة المسلوقة وحركيهم شوي حتى يختلطو مع بعض

وبعد ما يختلطو جيبي صلصة الطماطم وحطيها فوقهم انا استعمل صلصة جاهزة بس اذا منا متوفرة اعملي انتي صلصة

معجون طماطم مع ماء فاترة ذوبيهم ورشي عليهم رشة ملح وحطيهم فوق المعكرونة

بعد ما تحطي الصلصة حركيهم منيح واتركيهم دقيقتين عالنار حتى يغلو شوي

شيليهم عن النار وجيبي صينية فرن ورشي عليها جبنة موزريلا

اسكبي المعكروني بالصينية فوق الجبنة

رشي فوق المعكرونة جبنة ودخليها لفرن

اتركيها لحد ما تحمر الجبنة وطبعا ممكن تحمريها اد ما بتحبي او اتركيها شوي بيضا حسب رغبتك انا حمرتها عشان ابو الشباب بحب الجبنة حمرا

وهيدا شكلها بالنهاية

اتركيها تبرد شوي وقطعيها وقدميها ساخنة بس مو كتير بتحرقو تمكم :d

وهي صورة اقرب

وطبعا باين عليهم لذيذين

تسلميييييييييييين

الف شكر –