وهو ((عصير التمر الهندي ))
بصراحه يبيله شويه صبر … بس بالاخير الطعم ولا اروع والرائحه زكيه جدا وراح يحبها الكل ..وحبيت اذكر فوائده:-
1. معقم للبطن وللحنجره .
2.يرفع نسبه الدم والهيموجلوبين وينظف الدم وينقيه.
3. له القدره على ايباده جميع انواع البكتيريا الضاره في الجسم .
4. ممتاز لحلات الكسل والاعياء والارهاق .
5. ممتاز للحميه
نبدا بسم الله الرحمن الرحيم
المكونات :
1. كيس تمر هندي الأسود كلنا نعرفه .
2. سكر .
3. ماء ورد.
4. لبان مش اللبان العلكه لا هناك نوع من اللبان الي يستخدم لتبخير الثياب او الأماكن أو الماء ..يسمى( اللبان العماني ) لونه ابيض شفاف وهو صلب مثل الحصى الصغير … (لكن لايهم ان لم يوجد)
طريقه التحضير :
أولا : ضعي التمر الهندي في قدر صغير أو زبديه واسكبي عليه ماء مغلي واغلقي عليه بغطاء لمده ساعه كامله .
بعد ماترجعين وتفتحين الغطا راح تلاحظين ان التمر صار لييين وطييع مررره .. جيبي شوكه او ملعقه واهرسيه لين يذوب تقريبا كله ويتجانس مع الماي راح يصير سائل غليض من التمر الهندي وحاولي تتخلصين من بذور التمر الهندي بالملعقه ..
حطيه الخليط بالخلاط وتضيفين له ماء باااارد حوالي كوبين كبار +وثلج+ وسكر واضربيه بالخلاط .
وفي النهايه حطيه بقربه زجاجيه أو من الخزف وضيفي له نصف كوب ماء
ورد وحطيه بالثلاجه .
أما عن اللبان قبل التقديم اولع اللبان واحطيه على قطعه فلينه واحطيه داخل القربه الي بها العصير واسكر عليه حتى يتبخر عشر دقائق وبعدين اشيله تطلع ريحه العطير حلوووه جدا بس بعد ماء الورد له دور في تعطير الشراب .
وبالعافية عليكم
الله يعطيكي العافية
واذا المستكه لها رائحه حلوه عادي ممكن تستخدمينها للتبخير .. كان عندي عود الريحان وكان مثل البخور يدخن ويعطر وكنت استخدمه وخلص من عندي لأني جبته من برا البلد واستبدلته باللبان .. وكله يؤدي الغرض
الف الف شكر
يسلمووووووو حبيبتي نورتي انتي وام فيء
روعــــــــــــــة
تحياتي