المقادير:
دجاجة وتكون متبلة قبل فترة حوالي 4 ساعة وصراحة أنا أتبلها بأكثر من كذا حتى أضمن النتيجة وبالنسبة للتتبيل إختياري لك.
3 أكواب رز الحبة الطويلة وبالنسبة لي أستخدم رز بنجابي ومنقوع بماء حار حواللي الساعتين
……………………………
في البداية نقلي شوي من البصل مع شوي سمنة أو زبدة وقطع من الفلفل الرومي (الفليفلة) مع الملح ، بعد كذا تضيفين الرز وتقلبينة مع السمنة والبصل والملح وتضيفين ماء بس اللي يغطي الرز وفوقة بشوي .
*****نجي للطريقة السرية*****
تغطين الرز بالقصدير وتعملين بعض الثقوب ثم تضعين الدجاج على القصدير وتغطين الدجاج بورق قصدير ثاني وهالله الله بالتقفيل الزين… بعد كذا تدخلينها بالفرن على نار وسط ثم نار خفيفة .
اذااستوى الدجاج ونشف الرز تشيلين القصدير اللي على الدجاج وتحمرينه في الفرن من فوق وألف عافية
تسلم يدك صراحة أنا تعمقت جدا مع الطبق حتى تذوقته بالاحساس شكلي بمشيئة الله غدا سيكون غذائنا
وسأخبرك بالنتيجة ويمكن أدعم الموضوع بالصور ( حمستيني جدا له ) لأني أشجع دائما أطباق الرز اللذيذة مثل طبقك
ومثل ما قلت لبلبة .. اعتمدنا 
انتي قصدك المندي والا الكبسة
لأني ما شفت صلصة ولا طماط
كيف كبسة بدون هذين الصنفين ؟؟
يتهيأ لي ان هذي طريقة المندي وصلحوا لي اذ كنت غلطانة .