راح القي عليكم محاضره…الله يصبركم
حبيباتي…انا عارفه ان بنات لك بسم الله عليهم متألقات وفاهمات..
وأنا ..اعوذ بالله من كلمت أنا…حبيت أذكر..وأنبه..وأقوم النايمات…مع انه عددهم قليل
ان شاء الله…
عاد انا عشمي في اخونا الرجال..الله لايهينهم..يورونا عرض كتا فهم..
لأنهم مالهم داعي هنا..
انا مادري وشلون ابدأ..وكيف اوصلكم..انا ماعندي جديد..لكن قد تتكلم من تفيدنا..
لكن انا انصح نفسي معكم…ومنكم نستفيد..
زبدة الكلام..
دائما..اسمع شكوى كثير من اخواتي الحبيبات خوفها من ان زوجها يتزوج عليها..
وانا اولهم..
..اححححححم..
ودائماً تعاني من غيابه وأهماله وبروده معها…ووووووو…………..الخ
الأمور كثيره…
وهناك من تكون سعيده…لكن يتخلل حياتها..بعض الملل..قد يمتد الى فتره
لانهايه لها….
لن اطيل….مع اني اطلت…
….المهم حبيباتي…
جددي حياتك…اثيريها…املئيها حيويه..ولا تتذرعي بسنوات مضت وانه خلاص
مافيه فايده…اذا كنت منقطعين بالمره ..اقلبي حياتك فورا..واجعليه يحس انه تزوج
اخرى غير الذي كانت…
وان كنت متجدده فاالله يهنيكم ببعض ويسعدكم على طول..
ان الرجل مهما كانت قوته..فهو مثل الطفل…والله ان هيبته تروح ويصير مثل الطفل
وأشد…هو مايبي غير الدلال..فدلليه وخليه مثل الملك في بيته..لاتقولين هو يحبني..
وانا مرضيته..واللي اسويه معه عاجبه..ماشي ماقول لا…لكن هل من مزيد..لو جاء من
الدوام تعبان ترى مو حرام تدلكين رجليه…اوتغسلي رجليه بمويه وملح..هو فريد شوقي
احسن منهم ..احنا نحب الدلال والغنج..هي ماهي حكر علينا…
احنا ياالحريم فينا ثقه زايده…تكتفي الوحده بجمالها وتقول كفايه…انا معك ..لكن خليك
جميلة الشكل امامه..وجميلة الأخلاق امامه..وجميلة العشره امامه..
اهتمي بشكلك امامه…اعتبري نفسك رايحه العزيمه…..والعزيمه هامه..!! من الدلاخه
تفرغي قدر المستطاع….وسعي صدرك..روحي صبغي شعرك…التغيير حلو..
ماقدرتي…فيه الصبغات اللي زي المسكره…يعني ماتدمر شعرك..ورخيصه..ومنها
الوان بيتجدد شكلك معها كل مره..جيبي منها الوان..خليك يوم بشعر خصلاته حمراء
ومره بخصلات صفراء..والوان كثيره اذا حبيتي…ومره زي ماهو..
وكمان سرحي شعرك..اذا ناعم جعديه أو لففي لطرافه..واذا خشن استشوريه..
زبطي لك كذا ماكياج سهره…كأنك رايحه لعرس…واذا انت قليلة خبره في الماكياج..
يكفي تمسحين وجهك بأي كريم..بعدين حطي بأسفجة بودره حقت الوجه..امسحي..بخفه
وشوي من حمرة خدود غير مبالغ بها…وكحل قلم داخل العين..مع شوية مسكره..
وروج بلون ناعم خفيف…والله تشوفين اذا ماكان احلى ماكياج…
البسي ملابس حلوه..والحين السوق ماشاء الله بتلاقين ملابس..كنا ندورعليها من كم سنه
..كنا نلقاها بالقطاره..والحين منها موديلات وأشكال
..مادري وشلون البنات يلبسونها برا…الله يهديهم 
…
هيأي لزوجك جو رومانسي..كل ليله..خلي غرفتك غرفه عروس..فاجئيه يوم بمفرش
سرير جديد…غيري أو جددي في شكل الغرفه…انا بصراحه استفيد كثير..من بعض
جلابياتي..يكون معها شال ماحتاج له..اقوم اخليه مفرش على التسريحه..او حطيه
على طاوله..عندك..وخلي عليه شموع…ولا تنسين تولعيها ولو في بعض الأحيان..
حطي فواحه في الغرفه..وحطي فيها مزيج من عطورك وعطوره..
خليه يشم الريحه من برا…وعطري مفرش السرير وكل قطعه فيه..ولا تنسين نفسك..
بس الأهم ريحتك…يعني قبل ماترتبين الغرفه..ادهني جسمك لو بالجلسرين فقط..
وبعد ترتيب الغرفه خلاص روحي خذي دش لجسمك لأن شعرك زي ماتفقنا ..
افركي جسمك ونشفيه..ولا تبخلين بالعطر على جميع انحاء جسمك وفيه كريم روووعه
اذا حصلتيه..ودهنتي به جسمك..راح تدعين لي..وانا قد تكلمت عنه ..
صدقيني لو سويتي كذا كل ليله…مايحتاج اقول..بتشوفينه بنفسك…لاتقولين كل يوم
بكره انفذ…ترى العمر لحظه…
الزوج يستحق منك كل هذا…
انا عارفه والله يابنات اني ماجبت جديد…والله عارفه انكم مايحتاج…لكن ذكر فأن الذكرى
تنفع المؤمنين…ونصيحه للمتزوجات حديثاً…ابعدوا المشاكل…وحاولي تستوعبينه..
وصدقيني من تدليلك الرائع راح تكسبيه…وتحصلين اللي تبينه..بس لاتغثينه..
ولا تخلينه ينام وهو زعلان ارضيه حتى لو على حسابك…ولاتحملين في قلبك زعل
عليه مده طويله…ترى يمل وتملين..انتم مالكم الا بعض وهو جنتك ونارك
اذا كسبتي حبه ورضاه انت المستفيده..لأن بيتك راح يكون جنه
اخيراً يمكن اخطأت احياناً في اسلوب كلامي..لكن العذر والسموحه..
وكلمة للمشرفات الغاليات..اذا ماعجبكم طرحي واسلوبي..يكفي تحذفوني..
..عفواً
قصدي تحذفون موضوعي..بدون اي كلام…وانا راح اكون مقدره وفاهمه..وللعلم..
في قلبي كلام يقرقع ودي اقوله بدال الهذر هذا كله …لكن مابليد حيله…
وسامحوني لو أخطيت..
تحياتي..
, بس عجبني كلامك , حسيت انه طالع من قلبك وان شاء الله المشرفات ماراح يحذفونك ولا يحذفونه
والله يوفقك ويسعدك مع زوجك ويسخره لك ويسخرك له , ويسعد كل المتزوجين
تحياتي لك
فجر
موضوع حلو انا نتذكره و نعمله لان طولة البال و الكلمه الحلوه تروح مع زحمة الاعمال و المشاغل اليوميه ……جزاك الله خير على الفائدة وجمع الله بيننا وبين ازواجنا بالخير والرضا وقنعهم بنا و قنعنا بهم
نصائح من ذهب بارك الله فيك
انـا شاكره ومقدره سرعة ردودكم..
جعلنا الله من الحوريات في عيون ازواجنا…
ووفقنا الله واياكم لما يحبه ويرضاه..
موضوع حلو انا نتذكره و نعمله لان طولة البال و الكلمه الحلوه تروح مع زحمة الاعمال و المشاغل اليوميه ……جزاك الله خير على الفائدة وجمع الله بيننا وبين ازواجنا بالخير والرضا وقنعهم بنا و قنعنا بهم
ومشكورة وما قصرتي