كل عام وانتم بخير وصحة وسعادة
مشاركة بسيطة منى لحبيبتى ام ماهر فى ملف الكنافة
محمد زوجى الله يخليه ليا .. خبير فى الكنافة 
يعنى لو زايدة معلقة سكر يقولى مش مظبوطة .. الله يهديه عليا 
المهم انا عملت كنافة كب وحشيتها كسترد والحمد لله نالت الرضا 
يارب تعجبكم
كنافة كب بالكسترد
نجهز الأول الكسترد
كوب لبن حليب
ملعقة ونصف بودرة الكسترد
سكر حسب الرغبة
ندوب المقادير الأول على البارد
وبعدين نرفعهم على النار لغاية ما يغلظ القوام
ونجهز قوالب الكب
ونسيح سمن وعلى الكنافة نقلبه معاها
لغاية الكنافة ما تتشرب كل السمن
نفرد قليل من الكنافة فى الكب ونجيب صينية كب تانى لو عندنا ونضغط بيها على الكنافة علشان تتماسك
(لو مش متوفر صينية تانى بظهر كوب صغير اضغطى عليها)
ونضيف فى كل كب ملعقة كسترد
وعليهم شوية زبيب
ونغطيهم بالكنافة
وعلى الفرن
ولما يتحمروا ونطلعهم نسقيهم بالشربات البارد
وبألف هنا
يا عيني يا عيني علي البنت لاموره والكنافه كمان
يسلموا ايديكي والف صحه علي المعلم زوجك الله يخليلك اياه يارب
شكلها بتشهي مممم
الف صحه علي قلبكم
ياسلام
يسلموووووووووو
بالفعل مع الكاسترد طعمها جميل
سبق وعملتها وكمان كاب ههههههه
بالف صحة وهنا عليكم
تسلم الايادى الحلوة
الكاسترد بيخليها طرية و تحفة
الله ينور عليك يا قمر
طبعا طالما حضرت الكنافة لاااااااازم ريحة مصر ام الدنيا تطل وتهل علينا
تسلم ايديكى وبجد تووووحفة
حلوة فكرة الكاسترد احنا بنحط حليب ونشا او حليب وسميد زى المهلبية كدة
صحتين على قلبك وماننحرم منك
تجنني يا بيرو
شكلها حلو والحشوة غريبة شوي
سلمت يمناك وصحتين وعافية
تسلم الايادي