حبيت اقولكو عليها
انا مشاء الله عندى 3 اولاد وكنت بجيب كمية كبيرة من اللبن السايب من عند اللبان
وطبعا كنت بعد ما اغلى اللبن و اتركه فى التلاجة تتكون القشطة
كنت بشيلها علشان الاولاد مش بيحبوها فى اللبن و علشان ميبقاش دسم
المهم القشطة كانت بتبوز و بتمرر من كترها و محدش بياكلها
واحد صاحبتى الله يكرمها قالت لى اعملها زبدة وهى كانت اتعلمتها من مامت واحدة صاحبتها
المهم بقيت اجمع القشطة بتاعت اللبن حوالى كل 10 كيلو
و احطهم فى الفريزر
لما اجى اعمل الزبدة اطلعهم يفكو ويبردو
افضل اقلب القشطة بيدى فى طبق غويط فى اتجاه دائرى و بسرعة
القشطة هتتجمعو تلف معاكى و تلم زى عجينة البيتزا
افضل اقلب بسرعة لحد ما اسمع كان فىه صوت ماء
هلاقى لبن بينفصل و تتجمع الزبدة
افضل اعصر فيها من اللبن واجمع الزبدة
احطها فى طبق بلاستيك تانى و اقلب مرة اخرى حتى افصل كل اللبن و اعصرها كويس
واحط القالب اللى طلع فى ماء مثلج كعملية غسل للزبدة
و بكده تبقى حصلتى على زبدة فلاحى فى البيت
على فكرة اللبن اللى بيطلع بيبقى متخثر ممكن تعملى بيه فطائر او كيك
كانه زبادى
وبكدة نبقى استفدنا من كل اجزاء اللبن
ارجو انى اكون قدرت اوصل المعلومة
بارك الله فيكي علي المعلومه المفيده
جزاكي الله خير فكره حلوه ووالدتي بتعمل كده بردو
طريقة سهلة وبسيطة
بس هالجملة ما فهمتها
واحط القالب اللى طلع فى ماء مثلج كعملية غسل للزبدة
بانتظار ردك اختي
بارك الله فيك
فكره حلوه وسهله اوى
من كام يوم
و الاقيك النهاردة بتقولى نفس الموضوع
ما شاء الله عليك
تسلم الايادى
و كمان بتبقى ساقعة اوى و لو سبتها تدفى اوى بتسيل معايا …معندكيش حل لمشكلتى ؟؟؟؟