هذي وصفة كيكة الكاكاو جربيها بتلقينها نفس كيك العلب اللي تسوينها بالبيت بس الفرق انتي عارفة شنو فيها و بدون مواد حافظه و اهم شي انها من صنع ايدج 
انا راح ابخل عيكم بالصور لاني ولا مرة صورت شي سويته بس صدقوني لذيذة
المقدير :
2 ك طحين – 1 و 1/2 ك سكر – 3/4 ك كاكاو بودره غير محلى – 2 م ص بيكربونات الصودا – 1 م ص بيكن باودر – 1/2 م ص ملح – 2 بيض- 1 كقهوه محضره بارده ( كوب ماء + ملعقة قهوه سريعة التحضير) – 1 ك حليب – 1/2 ك زيت – 2 م ص خل ابيض
الطريقة:
1. يسخن الفرن لدرجة حرارة 180 و يدهن القالب بالزيت
2. في طاسة كبيرة نخلط الطحين + السكر + الكاكاو + البيكربونات + البيكن باودر + الملح و نعمل حفرة في الوسط و يسكب فيها البيض + القهوه + الحليب + الزيت + الخل ويخلط جيدا ً . الخليط راح يكون خفيف. يصب في القالب
3. يخبز في الفرن لمدة 35-40 دقيقة او حتى تستوي من الداخل بعد التأكد.
بالعافية
تسلملنا هالأيادي أختي"noni103"
الله يعطيك العافيه
لي سؤال عندك "الحليب سائل ولا بودره؟ والقهوه لازم منها؟"
وجزاك الله خير
ان شاء الله راح اسويها لك
الحليب سائل و انا آسفة لاني ما وضحت الغلط مني و موضوع القهوه والله ما جربت بس صدقيني ما تبين نكهتها طعم الكيكه يطلع نفس طعم كيكة روبن هود اللي تنباع بالجمعية اللي انتي تحضرينها
وعليكم بالعافية