كوب سكر) أنا حطيت ثلات أرباع الكاسة و كان سكرها مظبوط)
كوب ماء
كوب زيت ( برضوا حطيت ثلات أرباع الكاسة )
ثلات بيضات
ثلات معالق صغار بيكنج باودر
كاسة و نص طحين
فانيلا
و أنا أضفت من عندي نص معلقة صغيرة كربونات الصوديوم
هلأ نبدأ بالطريقة و الخطوات سوا :-
أول شي بنخفق البيض مع الفانيلا لحد ما ينفش و بعدين بنضيف السكر على دفعات لحد ما يسير الخليط كريمي … بعدين بنحط الزبت
هلأ بننخل الطحين مع البيكنج باودر و الكربونة
بنضيفهم بالتدريج مع كاسة المي و بنديرهم بصينية او قالب مدهون و بندخلها الفرن
و هي بالفرن بنحضر شراب النسكافيه للتسقية
عبارة عن :-
كاسة ماي + تلات ارباع كاسة سكر + معلقتين كبار نسكافيه
بنحركهم سوا وبنحطهم عالنار لحد ما يغلو بعدين بنشيلهم ليبردو
هلأ بس تستوي الكيكة بنحمر وجها و بنسقيها بشراب النسكافيه
و راعو انكم توزعو الشراب يعني مو كلو بمنطقة وحدة
هلأ بنحضر التغطية
عبارة عن علبة قشطة + باكيت كريم كراميل + فانيلا
بنخفقهم سوا ليتجانسو و بنحطهم عالكيكة و بنزينهم بالهيرشي او الفليك
اللي تحب تبردو في الثلاجة
بارك الله فيك