ايه الأخبار ؟ عاملين ايه ؟ وحشتكوا و لا زهقانين منى ؟ ماشى نخش فى الموضوع…..
اليوم هحكى ليكم قصتى مع الخميرة ,, بينى و بين الخميرة غرام و حكايات من 15 سنة من يومى و انا فى مطبخ امى اعجن و ابوظ و اجرب تانى لحد ما انجح و طبعا كله على دماغ بابا و ماما و الشغالة .
بينى و بين الخميرة عشرة طويلة و احترام متبادل ,, هتقولوا عليا مجنونة ؟؟؟ ماشى انا مبسوطة ,, حكايتنا زى اسطورة The beauty & the beast بس احنا لينا اسم تانى و هو The beauty & the yeast
شايفاكوا بتضحكوا !!!1
ماشى !! يالا نخش على المفيد.فى ركن المقبلات جهزت القرع العسلى و لازم تروحوا هناك علشان تشوفوا عملت ايه , و بعدين عملت بوريه من القرع علشان استخدمه فى الوصفة دى !!!! الوصفة دى سهلة جدا و نتايجها مش معقولة و مقاديرها بسيطة للغاية :-يالا بينا
-قطعة خميرة فى حجم عين الجمل او ما يوازيها بالخميرة البودرة " لا استخدمها نهائيا علشان بكرهها".
– ربع كوب ماء من الماء الناتج عن تصفية القرع.
– م. ص سكر.
– م.ص ملح.
-4 الى 4 و نص كوب دقيق مخبوزات منخول.
– كوب من بيوريه القرع " اليقطين" .
-من ربع الى نص كوب من ماء القرع او ماء عادى .
-بيضة مخفوقة.
– قلب لب القرع .
يالاااااا على الطريقة:-
و دى مرحلة" تربية الخميرة"و ده تعبير امى و جدتى !! , ايوه بنربيها بنأكلها سكر و نشربها ميه و ندلكها و نغطيها زى ما هتشوفوا, و ده علشان تنام و تكبر و تعطينى احلى خبز.
اكلت السكر و مبسوطة و دلوقتى هتنام!!!!!
شششششش نايييمة!!!
بعد 5 دقائق !!! ما شاء الله !! كبرت و بقت عروسة
فى هذه الأثناء , حضرت اناء العجن و حطيت فيه الدقيق و الملح و اليقطين و ايه تانى الميه ,, فى حاجة تانية ؟؟؟ لأ لألأ كله تمام .
و نبدأ نعجن و بعدين نلت العجين 10 دقائق يعنى نخدمه كويس.
و نلتها حتى نحصل على عجينة ملساء زى بشرة البيبى .
هنا دهنتها بشوية زيت خفيف علشان ما تلزقش فى طبق العجين.
و هغطيها!!!!
ششششششش !!! نايمة.
"ما شاء الله عليكى يا حلوة , كبرتى يا قمرة و نورتى ."
نيجى للتشكيل …..
دهنت صينية sponge cake بشوية زبدة على الخفيف و رشيت شوية دقيق درة أصفر, و حضرت لعيشى أحلى سرير.
حطيت العجينة , بس مش كلها , احتفظت بجزء صغير فى حجم كرة الجولف و دهنت الجزء ده .
واضحة الصور يا بنات؟؟
و عملت عقدة!!!!!! يا ساتر يا رب !!!
url=http://www.0zz0.com]
[/url]
و دهنتها كمان بالبيض و رشيت عليها قلب البذر و سيبتها تخمر نصف ساعة .
و ده شكلها قولوا بسم الله و جاهزة تدخل الفرن على درجة 200 .
يا سيييدى ايه الجمال ده !!!
بعد الخبز …… كان ده شكلها,,,
بسم الله و ده شكل تانى:-
url=http://www.0zz0.com]
[/url]
و خلااااص كل خبزة و انتوا طيبين , يالا قولولى تسلم ايدك يا شوشو
العيش جميييييل اوى و هش بشكل رهيب.
يالا عليكم انتوا بقه الأجبان و المشروبات , كفاية عليا انا كده.
سلااام و أشوفكم فى حكاية جديدة بكرة مع القرع العسلى 
ما شاء الله روووووووووعه
ايه الجمال والحوة والبقلاة وكل حاجه منك بتجنننننننننن يا احلى شوشو
بس ايه خفه الدم والكلام الجميل ده كل ده للعجين
يا بخته العجين طبعااااااااا
ههههههههههههههههههههههههههه
روعة حبيبتي الله يسلم إيدك ويا ريت تكون كل مغامراتك مبدعة بهل الشكل
شي بيشهي
كتبت بواسطة دلوعةعلاء 
روعة حبيبتي الله يسلم إيدك ويا ريت تكون كل مغامراتك مبدعة بهل الشكل
شي بيشهي
الله يخليكى يا احلى دلوعة , ميرسى كتيير, بحب انا الناس السهيرة اللى زى حالاتى كده, شرفتينى و نورتينى دلوعة
خبزات شكلهم رائع
هلق قوليلى اكيد وانت بتطبخى الجيران بشمواأشياء حلوه وببقوا طابورههههه
يا ريتك جارتى خخخ
ريته صحه وهنا
في انتظار باقي ابدعاتك
الله يعطيكي العافيه يا رب ….
شكلها تحفه فعلا
تسلم دياتك يا قمر
ابداع