انا احترت وانا بكتب الموضوع ده اختارله عنوان ايه؟
هل نادي الزوجات المهملات
ام نادي الزوجات المنسيات
انا هدخل في الموضوع علي طووووووول
انا هنا قصدي ان يكون في مساحه لكل زوجه حاسه ان زوجها بيهملها بقصد او بدون قصد
اذا كان جوزك بيسيبك قترات طويله سواء كان علشان العمل او علشان اصحابه او لاي سبب تاني
كل واحده تعاني من الفراغ النفسي
كل واحده مش عارفه تعمل ايه في وقتها
كل واحده حاسه ان جوزها مهملها حتي لو غصب عنه
كل واحده نفسها تقول لجوزها حاجه بس بتقف علي طرف لسانها ومبتقدرش تقولها
كلنا هندخل هنا
ونفضفض
ونشارك بعض
انا مستنيه مشاركاتكم
كتبت بواسطة mm msh 
صديقتي الجميله
اهلا وسهلا بيكي في الموضوع
وميرسي علي الرد
انا فعلا متجوزه من سنتين و 9 شهور
بس ليه السؤال؟
انا زوجى والحمد للة بيحبنى جدا بس صراحة مش باحس انة بيحرص يقضى معايا وقت بمعنى انى على اخر الليست بتاعتة بعد اخواتة واصدقائة رغم انة طبعا اى وقت عندى او كل وقتى بمعنى اصح بافضل ان اقضية معاه وعلى فكرة بيجيلى كلام من برة يقولولى ان زوجك بيقول احلى وقت اللى بيقضية معاكى ومع الولاد بس انا مش شايفة اى تطبيق فى الواقع بس هو مقارنة باول الزواج الحمد للة يعتبر احسن كتير علشان كدة باقول لاى عروسة ماتستعجليش واصبرى والامور بتتحسن
بس حتى الوقت اللى بيقضية فى البيت يبقى مع الكومبيوتر والكورة والنت الولاد بيبقو نفسهم يلعب معاهم بس دة بيحدث نادرا
اكتر حاجة بتضايقنى انى باحس الولاد مفتقدينة ربنا يهدية ويهدى كل الازواج
بس انت لية ماوقعتيش ياقمر بفضفضتك عن مشكلتك
وكل سنه وانتو طيبين بمناسبه عيد الاضحي المبارك اعاده الله كلينا وعليكم بالصحه والسعاده دائما
انا يا جماعه مشكللتي غيركم
انا وجوزي اتجوزنا عن قصه حب قصيره
ولكنها اشتعلت بعد الجواز وبقت قصه حب عنيفه جدا وكل اللي يعرفونا بيحلفو بيها
وكان في ظروف معينه في بدايه جوازنا خلتنا نعتمد علي نفسنا
وطبعا جوزي كان قد المسؤليه في كل حاجه والحمد لله وفي بعهده معايا
لكن المشكله انه لازم يشتغل 13 ساعه يوميا علشان يسدد التزاماته
طبعا انا متاكده انه بيعمل كده علشان البيت
لكن الفراغ هيجنني مش لاقيه حاجه اعملها وهو طبعا بيرجع من الشغل يادوب ياكل وينام علشان يصحي لمطحنه تاني يوم
وكل اما انفجر واقوله حرام عليك يقولي طيب اعمل ايه لازم نسدد التزاماتنا
لحد ما وصل بيا الحال اني بقيت حاسه بالتبلد وجوده زي عدمه حاسه انه مش ملكي بقي ملك شغله
رغم اني بحبه جدا بس الوحده اسلمتني لنوبات اكتئاب طويله هو نفسه بيتمني اخرج منها
بقيت بحس بملل من كل حاجه
مبقيتش حاجه تفرحني
حتي لما بيبقي معايا بحس انه معايا وهو نايم وبيكون بيننا صمت طوييييييييييييييييل
رغم انه بيحاول بكل طاقته في ايام الاجازات انه يخرجني ويرفه عني
لكن يعمل ايه يوم كل اسبوع وباقي الاسبوع بوزي في بوز الحيطان؟
انا اسفه طولت عليكم بمشكلتي لكن انا ليا مين غيركم افضفض معاه
امانه كل من تقراء مشكلتي اليوم وقفه عرفات تدعو لي بالحمل عاجل غير اجل
الله يرزقك الذرية الصالحة إن شاء الله وتملي حياتك بالسعادة والحماس ، أنا حاسة فيك أختي … يبغالك شغلة تطرد الملل عنك ، مثلا تعلمي خياطة أو رسم إذا تحبي أنا أتمنى أطرد الملل بها الطريقة لكن أنا في غربة وعندي أطفال ، بس أنا زيك حاسه بفراغ مليت من شغل البيت والروتين القاتل وحاسه بتلبد في مشاعري ( أخاف أنا اللي أهمل زوجي مو هو يهملني ) ياريت أعرف وش الحل عشان يرجع دفء المشاعر في عائلتي
أنا أقول يمكن هالوضع ناتج من هموم ما تقدر الوحدة منا تفضفض عنها لأن باختصار مانبي نعور راس حد على شي ماله حل إلا الصبر
بس 78 مشاهده و5 ردود بس؟ بجد احبطتوني
هروح ارتبه ف دماغى و ارجعلكم
بجد الموضوع حلو
أولا فرج الله كربك وشرح صدرك ورزقي الحمل عاجلاً غير آجل إن شاء الله
انا حسة بيكي يا ساسو وعارفة الإحساس اللي انتي بتتكلمي عليه بس عشان أختصر لك الموضوع حله الوحيد هو الصبر …حاولي تشغلي وقتك بأي حاجة انا نفسي بفكر اشتغل تريكو ولا أي حاجة مفيدة…بس حالك صدقيني حال زوجات كتير.
انا زوجي بين شغله ودراسته…بيدرس شهادة إضافية بدرجة ماجستير لكن هتفيده اوي في حياتة المهنية لو خدها إن شاء الله وانا مقدرش أأقف وأقوله انا زهقانة أو مضايقة لإنه هو نفسه مضغوط…بس هنعمل ايه…وكمان انا في غربة بعيد عن أهلي.
ربنا يشرح صدرنا جميعا.
اوحاولي تتعلمي شغلة مثل :خياطة -تطريز -رسم -خط اوغيره
واكيد عندك مهارات بسيطة 000ابحثي عنها ونميها
وعليك بالدعاء والصبر 0000وربنا يهونها عليكي وعلينا