السلام عليكن و رحمة الله تعالى و بركاته
ضفيرة العجين بالتونه
أنا اتعرفت على هالأكله من منتدى لك عن طريق أختي
هيي ساوتها من وصفه لأخت بالمنتدى هون من 3 سنين دوئتني ياها من تحت دياتها و من وئتها لهلأ و أنا حاطه ببالي ساويها
من يومين اتصلت فيها لآخد الوصفه آمت آلتلي ما عندها ياها و ما عم تلائيها بالمنتدى
و أنا بصراحه هلكت بالتدوير عليها و ما ااااااا لئيتها
بعدين بحبشت بالنت 
و طبئت الحشوه و العجينه من مجموعة وصفات و حشوات أخدت منها اللي عجبني ان شاء الله تعالى تعجبكن
أول شي عجنت العجينه اللي بتتكون من
3 كوب طحين
6 ملاعق حليب بودره
½ كوب زيت نباتي
½1 ملعقة كبيرة خميرة
½ ملعقه صغيرة سكر
½ ملعقة صغيرة ملح
1 كوب ماء دافئ للعجن
نضيف الخميره للطحين و نخلط
نضيف السكر و الملح و الحليب البودره للماء و نحرك و نضيف لهم الزيت و نحرك ثم نضيفهم
للطحين و نعجن و لازم تكون العجينه لينه شوي
و نتركها نصف ساعه بمكان دافي
و منحضر الحشوه
بصله مقطعه ناعم
جزره مبشوره
بندوره مفرومه
علبتين تونه أو دجاج مسلوق و مفتفت
شوية بقدونس مفروم
ملح فلفل
أو الحشوه التانيه و أنا لئيتها أطيب بكتير
1 بصله كبيره مقطعه ناعمه
1 بندوره
1 فليفله
بزاليا
مايونيز علبه صغيره
تونه علبتين
ملح
منقلي البصل بشوية زيت
بعدين منضيف بقية المكونات عدا التونه و المايونيز
و منغطيون و منتركن عالنار شوي بعدين منرفعن عن النار و منضيف التونه و منحرك و المايونيز
بناخد ربع العجينه و منرقها بشكل مستطيل
أنا رقيتها على ورق القصدير بشان يسهل عليي وضعها بالصينيه
و منحط الحشوه بالمنتصف
منقطع الطرفين الزايدين بشكل عرضي
و منسكر رأس العجينه من فوق
و بعدين منسكر بالتناوب بين اليمين و اليسار بشكل مائل
منرفعها و منحطها بالصينيه
مندهن الوجه بالزيت
و مندخلها الفرن بدرجة حراره متوسطه لحتى ترتفع و تنضج منحمر الوجه و منطلعها
و هي النتيجه
تررراااااااااااااااااااااااااااااااااا
سبقت جروب اللطش ( معروفين هون وحدة وحدة و بالإسم كمان ) 
بس ما رح آكل شي رح اتركلكن ياه بطيب خاطر 
لأني للأسف عاملة ريجيم 
بعيد عن السامعين
هلأ بس ..
أما يوم السبت دقتها الطعمة بتجنن 
لأنو سوما اختي عملتها ببيت أهلي و كان مقلب مرتب الصراحة لأني اضصريت آكل بسبب شكلها الرائع و بنفس الوقت ما كتر بسبب الريجيم
و أنا عادة بنزل بالمعجنات يا قاتل يا مقتول
يسلمو هالإيدين يا توأم روحي
بحبك
خصوصي وقت بتعملي هيك أكلات 
مرة على الوصفة
والمرة الثانية على صبرك وطولة بالك في التصوير والتحميل
يسلمو
كتبت بواسطة 2 سوسنة 
سبقت جروب اللطش ( معروفين هون وحدة وحدة و بالإسم كمان )
بس ما رح آكل شي رح اتركلكن ياه بطيب خاطر
لأني للأسف عاملة ريجيم بعيد عن السامعين
هلأ بس ..
أما يوم السبت دقتها الطعمة بتجنن
لأنو سوما اختي عملتها ببيت أهلي و كان مقلب مرتب الصراحة لأني اضصريت آكل بسبب شكلها الرائع و بنفس الوقت ما كتر بسبب الريجيم
و أنا عادة بنزل بالمعجنات يا قاتل يا مقتول
يسلمو هالإيدين يا توأم روحي
بحبك
خصوصي وقت بتعملي هيك أكلات
نووووووووووووووووورتي الموضوع يا حياتي
لولاك ما عملت الموضوع من أصله
بس يعني كنت خديلك شي قطعه صغيره ما رح يخرب الريجيم عليها
يللا مسامحه بركي بتنزلي 3 كيلو
ومبرووووووووووك الوسام يااااااااااااا أحلى فراشه أنت
وان شاء الله تعالى بتوصلي للمثالي على خير و سلامه
بحبك
يا توأم روحي
وصحه وهنا على قلبكم
كتبت بواسطة FOFFA مرة على الوصفة
والمرة الثانية على صبرك وطولة بالك في التصوير والتحميل
يسلمو
الله يسلمك حبيبتي نورتي
صبرت كتير و الله و ما كانو يتحملو
بس هاد موضوعي الأول هههههههههههه
بس اتعلمت أنو المره الجايه صغر الصور أكتر شوي
تسلم يداكي
بالصحة و العافية
تسلم ايدك وعبنستنى الاطباق الجايه
كتبت بواسطة دينه تسلم ايدك وعبنستنى الاطباق الجايه
أهلا دندونتي
ما توقعتك تكتشفيه بهالسرعه
أليلي أيمتى بدك اتطبئيها