ღღوصفه مبتكرهღღكعك التنور من مطبخي 2024.

السلام عليكم ورحمة الله وبركاته

اليوم راح انزل لكم هالخبز

له عدة مسميات البعض يسميه معجون وناس دواح وناس كعك

ندخل بالمقادير

2 كوب دقيق اسمر
كوب دقيق ابيض
2 بيضة
رشة ملح
خميرة فورية
2 بيالة لبن
سمن بيالة ونصف { ضروري سمن }

الطريقة

تعجنين المواد الجافة مع بعض وتحطين السمن وتعجينين الين يدخل السمن بكل العجين اضيفي البيض واللبن وعجني واذا احتجتي ماء دافي الين تصير زي كذا

واتركيها تختمر

الحين تجهزين هالاغراض
التنور تولعينه من داخل والجوانب
صحن فيه 5 ملاعق حليب وقليل من الماء
حبة البركة انا ماكانت متوفرة حطيت سمسم
صحن فيه ماء
هنا ولعنا التنور

الحين نقسم العجين زي ماتشوفون

وهذي التجهيزات
من ضمنها كيس ارز صغير عشان نمسح التنور بييه

بعد مايحمي التنور امسحيه بكيس الارز كذا مرة وبعدين حطي الغطاء واباي اشتغلي

الحين ناخذ كورة من العجين ونبدا نفردها باليد على شكل دائري زي الصورة

الحين نمسح الوجه بالحليب ونرش السمسم والافضل الحبة السوداء

بعدين هذا الشق اللي بيه حليب حطيه مواجه لراحة الكف والجهه الثانية حطي ماء واخبزيها بالتنور زي كذا

وتكرري نفس العملية الين تخلصين العجين

وغطي التنور وانتظري تحمر
وبعدين ابعديها من التنور باستخدام السكين وشيليها وحطيها بصحن التقديم

وقدميها احلى فطور مع احلى حليب

وهذي لكل وحده عجبها الموضوع

اتمنى يعجبكم
ودمتم في حفظ الرحمن

ما شاء الله

خيز رااائع

اتخيل ريحته خصوصا انه مخيوز في التنور

تسلم يديك يا غالية على الوصفة الحلوة

في انتظار جديدك

ماشاء الله عليكى حبيبتى

خبز بيفتح النفس

انا نفسى اعمل الخبز فى البيت

ان شاء الله اجرب

شكرا لك

يسلمو ايديك ياقمر

صحتين وعافية يارب

تسلمون ياقلبي على المرور والكلام الجميل
واتمنى تعم الفائدة
الله يعطيكم العافية