صباح الخير يا ام البنات
صباح الخير لكل المشرفات
صباح الخير لكل الصبايا والاخوات الحلوات
اليوم خبز عربى اصلى جايبه معى
اول شى ممكن بتحكو شو الرظف يعنى الرظف هو حجاره صغيره مدوره نحضرها من الوادى
ونضعها فى الفرن ونخبز عليها هى قويه جدا لاتنكسر ابدا بكون لونها ابيض بعد التسخين بتسير لون اسود
الخبز العربى يتكون من
طحين قمح+ طحين ابيض +ملح + خميره +ماء ساخن فقط
احنا بنستعمل 2 كيلو طحين قمح + 1 كيلو طخين ابيض
بنحط عليهم 1 ملعقه كبيره ملح + 2 ملعقه صغيره خميره
بنسخن الماء ونبداء بالعجن
اول مره بندير على الطحين ماء كتير حتى نعجن كل الكميه مع بعض
بنسير نحط نصف كاس ماء ونعجن حتى يشرب العجين الماء نكرر العمليه 10 مرات
حتى نحصل على عجينه بين الجامد وبين المرقه لكى عندما نخبزها نلوحها باليدين كما ترون
وليس بالشوبك
نترك العجينه حتى تتخمر بنلفها فى حرام يعنى حتى تبقى دافيه
هذا الخبز يعتبر من اجود انواع الخبز الفلسطينى
وشكر لكم
الف صحه وعافيه يااااااااااااارب
هاى الصوره
ما انتو شايفين
يعطيك الف الف عافية شهتيني ع الخبز السخن ع هالصبح مغمس مع زيت وزعتر مع كاسة شاي الله الله الله 0 هيني جاي افطر عندك
عفكرة انا كمان بخبز في البيت وبنفس الطريقة 0 جد فيها غلبة بس كثير ازكى من الجاهز يسلمه تغريد يا ست لمعدلات دايما شغلك مرتب ومنورة المنتدى بوصفاتك يسلمووووووووووووووووووو
احنا هون بغزة صحيح بخبزو بس ما بستعملو هاي الطريقة .. قصدي وضع الحجار ؟؟؟ شغله اجديدة ويسلم ايديكي …
كتبت بواسطة زهرة فلسطينية 
يعطيك الف الف عافية شهتيني ع الخبز السخن ع هالصبح مغمس مع زيت وزعتر مع كاسة شاي الله الله الله 0 هيني جاي افطر عندك
عفكرة انا كمان بخبز في البيت وبنفس الطريقة 0 جد فيها غلبة بس كثير ازكى من الجاهز يسلمه تغريد يا ست لمعدلات دايما شغلك مرتب ومنورة المنتدى بوصفاتك يسلمووووووووووووووووووو
يا صباح الورد حبيبتى
الله يسعدك يا رب والله كلك ذوق حبيبتى
الله يعافيك ياااااااااااااااااااااارب
اهلا وسهلا كل الخبزات على حسلبك بتشرفى والله
الف شكرررررررررررررررررررررررررر حبيبتى
ما فى احلا ولا انضف من شغل البيت
كتبت بواسطة san79 احنا هون بغزة صحيح بخبزو بس ما بستعملو هاي الطريقة .. قصدي وضع الحجار ؟؟؟ شغله اجديدة ويسلم ايديكي …
الله يسلمك ياااااااااااااااااااااااا رب حبيبتى
الف شكررررررررررررررررررررررلك
احنا من على زمن جدودنا بحطو الحجاره وبخبزو عليها
شكله شهى جداً
ولذيذ جداً
ريحته واصله عندى
تسلم الايادى
يعطيك الف عافية
رغيف خبز سخن على الصبح جرى ريقى
يعنى هالصور بدها
عنوان بيتك وتذكره
بكون بفطرعندك وبقضيلى كام يوم
اكيد بصير فيهم بطه
ما شاء الله عليك تغريد
الله يحميك ويحفظك لاهل بيتك
ويخليلك زوجك واولادك واحفادك وحبايبك
كلهم أمين
بس بدى كم رغيف اعمل مسخن خالتى الله يسهل عليها كانت تعمل زيه
جزاك الله كل خير