انا يا بنات توكلت على الله وبكتب لكم وش صار لي في ها الشهر الفضيل
انا متزوجه لي5 سنوات في الفتره الاخيره صار لي مع زوجي مشاكل مثل اي زوجين يعني نزعلونرضى في الحقيقه هو انسان يخاف الله حريص جدا على صلاته يحب يحظر الدورات عن تطوير النفس والسلوك يعني يحاول يطور نفسه يشتري اشرطه وبرامج يعني مثل ماقلت يحب بطور نفسه ويغير من نفسه للافضل طبعا المشكله بيني وبينه مثل ما يقول في كل مشاكلناالصوت العالي واني متسرعه لما اعصب وانقهر اصير اصرخ من القهر الي فيني لانه يرفع ضغطي بسكوته واحينا يقهرني بي برود وهدو يعني يستفزني هذي نبذه بسيطه
نجي للمشكله الي اكسرتني
زوجي في ايام شبابه يعني بعمر ال 21 او 22 كان يدرس برا في دوله اجنبيه يعني ها الكلام يمكن من 10 سنوات المهم قبل اسبوعين كن نتكلم عن سفر الشباب الصغار السن للخارج للدراسه فا قلت انا انو لازم يكون لهم رقيب يعني ما ينتركون في ها العمر الصغير يسافرون لحالهم بدون مراقبه او بدون ما ينسئل عنهم بي استمرار علشان يعرفون ان فيه احد وراهم فا هو رد علي وقال صحيح بس برضو كويس له انه يعتمد الواحد على نفسه ويصير مسئول عن حاله وبتقوى شخصيته وقال صح ان المغريات هناك كثيره بس الحافظ الله وقااااااااااااااااااااااااال لي يعني انا مو طيب مني اهناك اني ما غلطت بس ربي ما كتب لي اني اغلط ربي حفظني انا يوم قال ها الكلمه بصراحه انصدمت يعني انا اشوف في زوجي انسان تقي يخاف الله مثقف يعني اهتزت صورته في عيني ما توقعته كذا
المهم الموضوع حز في نفسي وتضايقت وبصراحه صرت اشك جدا فيه مدري وش جاني صرت شكاكه درجه اولى مع ان كل ارقامه السريه معاي جوالاته بيدي صح ان الموضوع قديم بس جدا اثر على نفسيتي وعلاقتي مع زوجي
المهم سببت مشكله وتهاوشت معاه بعد يومين من الموضوع لاني عجزت اصبر صرت احترق ابي بس الموضوع ينفتح علشان اقول الي مقرقع بقلبي
تدرون يوم تهاوشنا وش قال لي قال انتي من جد تتكلمين يعني ما عاد اقول لك شي بعدين ها الكلام انا قلته لك لانه كان خرابيط مراهقه الواحد يكبر وينضج وشلون انتي زوجتي تفكرين فيني كذا هذا وانتي عارفتني المهم غيره وغصبن عني حتى لو كان الموضوع قديم وطيش شباب وصح انه ما غلط في شي كبير بس اكيد اجل انه كان فيه نظرات ومن ها السوالف ابليس يلعب براسي
نجي للطامه الكبرى وكل ها المواضيع صارت ورا بعض كلهم في ها الاسبوعين كان فيه له با المستودع اكياس وكراتين فيها كتب واوراق له من زماااااااااااااااااااان من لما كان طالب المهم مغبرين وحالتهم حاله وراميهم وانا من زواجي وانا ادخل واشوفهم ولا عمري فتحتهمفا قلتذاك اليوم بجلس ارتب وانضف وهو عارف وما عنده مانع المهم جلست انضف وهو طلع برا البيت نظفت كل شي بقى كيس فتحته لقيت اوراق وتمارين وسوالف شباب وذكرياتهم بس الي لفت نظري ضرف موجود ومفتوح ومرمي فتحته الى وش اشوف رساله ومعاها صوره لزوجي ومعاه وحده وحاظنين بعض طبعا كان شكله واضح انه صغير با الصوره وعرفت من الرساله انها وحده برازيليه كانت معاه الظاهر بنفس المعهد انا دااااارت فيني الدنيا هذا زوجي معقوله الي اشوفه قدوه لي له ماضي مع انه على قولته ربي ما كتب يعني كان كل شي صطحي بس والله اني كرهته وقرفت منه
المهم انا اخذت الصوره والرساله وسكت بس كان واضح على وجهي انه فيه شي صار
المهم رجع للبيت وقبل ما يرجع اتصل يسئلني عن شي كنت ابيه منه رديت عليه بدون ما اعطيه وجه هو رجع وجلس يسولف عن الي صار له هناك وان ساكته اذا سئلني رديت بس ما اسئله عن شي حسيت انه مستغرب تصرفي هو انقهر انا ليش اسوي كذا المهم من هنا ومن هنا جدع علي كلمه زي السم ودخل غرفته وسكر الباب انا انقهرت وقمت فتحت الباب وجبت الاولي والتالي ورميت الصوره بوجه وتهاوشنا هو انصدم واخذ موقع الهجوم تهاوشنا وكبر الموضوع وقلت طلقني مالي قعده معك انت ما تستحي انا مالي ولا صوره معك وانت محتفظ بهذي
طبعا زوجي لما يشوفني كذا يصير يستفزني اكثر ويقول وهو يبتسم شوي شوي الظاهر صرتي انتي الرجال قلت اذا ما عندي رجل بصير رجل قال اطلعي وسكري الباب لا اقهرك وكل ما اشوفه بارد اتقطع من الصياح كان المفروض يبرر يقول صوره قديمه هذا اذا كانت ما تهمه بس ردت فعله اقهرتني شورو علي يابنات وش اسوي
هل اروح لهلي واطلب الطلاق والا اقعد معه واعتبره لوووح ما هو موجود حنا ما نتكلم طبعا من 2 رمضان والي قاهرني اكثر انه متفشل ولا هو معترف سوا نفسه ماله خلقي وانه متحملني واني ما ينعاش معي يبيني اشوف صورته واضحك اقول برافو حبيبي
انا لما وريته الصوره رميتها عليها وبعدين رجعت اخذتها قلت علشان تصير دليل عليك معي اذا بغيت اتطلق انا مع القهر والصياح رميت الصوره على الطاوله وصرت ادور زي المجنونه قام هو واخذ الصوره قلت له هات الصوره طبع بعد ما طلع من دورة المياه قال انتي وش تبين الحين قلت هات الصوره وطنشني وراح مدري وش سوا فيها شكله شققها وحطها با الحمام وفتح عليها السيقون علشان ما تصير دليل بس الرساله لقيتها واخذتها ردة فعله معي جدا قاهرتني ما توقعتها بكل برود يرد علي ولا كنه مسوي شي غلط
انصحوني يا بنات ودعو لي
بتقولون لي موضوع قديم بس ولو احس اني انجرحت صورته بعيني انخدشت صرت اشك فيه مدري كيف بصبر عليه
ليه كده؟؟ الامور مش بتتاخد كده
ده مااااااااااااااااضى سبيه فى حاله
الماضى ده زى انسان مات واندفن ليه بتصحيه من تربته بس
ومش من حقك اصلا انك تحاسبيه على الماضى اختى
انتى تحاسبيه من يوم ما عرفك واتجوزك
وبعدين اسلوبك غلط معاه اسلوب العصبية ده غلط…. ممكن يمل من طريقتك معاه
بصراحة حبيبتى انتى اللى غلطانة… راجعى نفسك كويس
الماضى ملك الانسان فقط… ومادام اختارك واتجوزك انتى ليه بتنكدى على نفسك وعلى جوزك كمان؟
ما تزعليش منى حبيبتى ده رايى … ربنا يوفقك
اولا هدي بالك المفروض تكونين ابرد منه
والصوره لو انا منك اقوله دائما مداح نفسه كذاب
وكبري عقلك عشان الطيش تسوين كيذا اصبري ولا عليك
انا يختي عشان قلتله كلمة ياحيوان وعمره ماطلعت من فمي الا تعالي شوفي الشكل والصوت وقلتها له عشانع ظرب بنتنا عمرها سنه واربع اشهر على وجهها لانها ظربتني انا وقلتله مالك شغل ظربتني انا مو انت الا قال لا اشوفك وانا ماعرف احد بالرياض غيره هو واهله بس وجلسة من 4 رمضان الى يوم العيد وانا لحالي افطر واتسحر بالمطبخ وهو بالصاله وبعدين هو جا يعتذر لي يوم العيد وزبرته لين طاح مابراسي
وسلامتك طنشيه راح تلقينه عند رجلينك
أمين
اللهم صلي على محمد
السلام عليكم
سبحان الله الشيطان له مداخل ؟؟
أختي / الموضوع طبعا حنا نقول ما يستاهل لأن كل انسان له وجهة نظر ولكن اقولك شئ مهم احياناً يكون للرجل او المرأه ماضي !! ويكون الماضي طيش شباب ولايعني ذلك أن الانسان يستمر في الخطأ . ولكن اتوقع أنه من شدة غيرتك عليه عملتي كل هذه الدراما .
المهم / أختي /
لابد أن يكون بالك وسيع لأن الانسان يغلط كل انسان مو زوجك فقط فيه ناس اعمارهم اكبر من زوجك يعني في الاربعين والخمسين وغلطهم كبير وغلط زوجك شئ عادي مقارنة بالسن الذي كان يعيش فيه . لهذا نصيحتي لك لا تكبري الموضوع وفيه شئ اسمه التجاهل صحيح في البداية مثل هذه المواضيع تكون كبيره ولكن والله لو تصبري شهر فقط تحسي أن الموضوع كلام فاضي ولايستاهل تطلبي الطلاق والكلام اللي ماله داعي .
اوزني امورك وخططي لمستقبلك ولاتجعلي نظرتك لا تتعدى قدميك . هذا موضوع عادي جداً وهناك بعض الازواج باردين ويمكن طبيعته أنه يتعب الشخص الذي امامه .
الرجل في الغالب طفل صغير ويمكنك بكلمات بسيطة أن تأخذي جميع ما في خاطره عليك وتحوليه الى
خاتم في اصبعك ولكن بالحوار وبالتي هي احسن . ولهذا :
انصحك أن لا تتسرعي ولايمنع أن تتعذري من زوجك وتبين له وجهة نظرك وان هذا من شدة حبك له جعلك تتصرفين بسرعة زائدة وتعالجي الامور بالواقعية وليست خيال . وثقي تماماً ان يتفهم وضعك وتعود المياه الى مجاريها ولهذا انصحك أن لا تجعلي كلمة (( طلاق )) هي السلاح الوحيد هناك حلول ومعالجات قبل هذه الكلمة وانصحك مرة اخرى لا تدققي كثير وتتجاهلي الكثير من الامور فهذا شئ مهم في حياتك الزوجيه وأن شاء الله أن تعود المياه الى مجاريها . بورك فيك ,,
طحت طيحه
شكرا جزيلا بس مستحيل اعتذر له وخصوصا بعد الي صار انا من زواجي منه وانا دايم المبادره وانا الي اصالح يمكن هو مره او مرتين بس راضاني بس ها المره صعب صعب جدا مقدر اعتبر ان الموضوع عادي واعتذر انا ما غلطت علشان اعتذر على الاقل لو كان قال لي كلمه تبرد على قلبي كان اهون علي بس قهرني حسبي الله عليه
الأخت / طحت طيحه
أنا معاك ولكن لابد من وزن الامور وأذا كنتي تقدرين زوجك يمكنك أن تطرحي عليه الفكرة وهو من نفسه سوف يعتذر (( أنا معاك في هذه النقطة )) لكن هدي اللعب شوى ولاتنسِ بعض الرجال طبيعتهم المكابره حتى ولو كان على خطأ الا من رحم الله ,,
انتى غلطانة اوى حبيبتى…. وما فيهاش حاجة لما تعتذرى لانك اولا غلطانة وثانيا صعب على الرجل الاعتذار اختى
وخصوصا انه كمان مش غلطان بحقك..
هداك الله الى الصواب وبرد قلبك حبيبتى