يازين حارات الرياض القديمه
يوم القلوب اطفال بعيون الاطفال
يوم القلوب اطفال بعيون الاطفال
يوم النوايا بكل حال سليمه
والناس صدق تعلم الصدق الاجيال
واخلاق اقل الوصف فيهاعظيمه
والوصل بين الناس في كل الاحوال
اول ظروف الوقت فينا حليمه
وعاداتنا مايوم تشكي من اهمال
ومحد تكلم في نديم ونديمه
ومحد خذا بالغير سجه ومدهال
نفرح للارض ان لامست عشق ديمه
نزرع ربيع العمر بحلام وآمال
احبها حب الحميم للحميمه
مذكوره بالخير ياذيك الاطلال
ياذكريات ماتثمن بقيمه
الله يرجعها على كل حال ابو حال
ويازين حارات الرياض القديمه
يوم بعد العصر يانصر ياهلال
وسلامتكم…..،،
القصيده للشاعر/هادي الجنفاوي