اليكم الكلمات…
يمه الغربة وفرقاكِ ملتمه .. دمعة العين هذي ما لها داعي
يا بعد راسي انتي ليه مهتمه .. الوجع لي سوات الناي للراعي
آخر أخباري الذمة هي الذمة .. والوصايا هذيك تقدّي شراعي
ما به إلا السواد يحاود اليمه .. ولا به إلا البياض اللي ورا أضلاعي
واشعلٍ ما يفارق ليل حضن أمه .. وأخضرٍ كل صبح من أول أتباعي
يتعب البرق ما اتعبت النظر يَمه .. حل مرباعي أو ما حل مرباعي
حدّقي بأمهات الغيث يا يمه .. وانشديهن بعد ما قلّت أطماعي
انجبن لي عروسة حلم اضمه .. أو بعد توها تشرب عطش قاعي
واذكري كيف كان العود ابو عمه .. يتعلى صهيله وارخي أسماعي
أمنياته بدرب ودي اتمه .. آخره صعب وأصعب منه مرجاعي
يوم كلٍ فزع له خاله وعمه .. يكفي إني وردت العِد بذراعي
ارفع الراس بين الروس ما همه .. واتباهى وانا الغرقان بأوجاعي
يمه الحر طبعه يعشق القمة .. واتي اللي فطمتيني على طباعي
الهواء دام راسي حي ويشمه .. والله إني لأسوق هناك ذعذاعي
غربة تلوي ذراع أشجع الخمة .. لا تخافينها لو تقلب أوضاعي
يمكن تبعثر الرجال وتلمه .. بس بدري عليها تلوي ذراعي
من منقولي لا مقولي
قلبت عليا المواجع
sid sid