أخواتي العزيزات أكثر مشاكل الحياة الزوجيه تكون سببها أم الزوج …..
أو تكون سببها عدم فهم الزوجه ماتريده أم الزوج وعدم معاملتها المعامله الحسنه ……
فأرجو منكن المشاركه بوضع حل لهذه المشكله واعتبارها سحابة صيف حتى تتبدل الضغينه والمشاجره إلى حب وود
____________________________________________
وهذه فكره :
في الأعياد لا أنسى تقديم هديه بسيطه وجميله ومناسبه لأم الزوج .
يلا شدوا حيلكم وهمتكم بالأفكار الحلوه إللي تساعد على الوئام بين الزوجه وأم الزوج .
من الوسائل اللي انا مجربتها
طبعا اول شي الهديه…ومو بس في المناسبات يعني العيد شئ مفروغ منه…لكن حتى لو رحتي السوق..وشفتي شي يناسبها مافيه مانع تاخذينه لها…مثلا قطعة قماش…خاتم ذهب ..شبشب مريح…طرحه اوشيله…عود ..مواعين مطبخ..كل شي راح تجيبينه راح يكون حلو خاصه إذا كان بدون مناسبه
برضه كل ماسافرت مكان لازم افتكرها…وغالبا اجيبلها زي امي تمام
مثلا تكون صايمه..اجهزلها القهوه واسويلها حلو معاها…والله يا بنات هذي سويتها لها مره…الحين كل ما كانت صايمه وجت تفطر تدعيلي عشان هالحركه…تقول ماحد افتكر يسويلي فطور غيرك
اناديها عندي كل اسبوع تتغدا اوتتعشىواناديها للقهوه كل فتره
واذا ساكنه بنفس البنايه…مافيه مانع من الافطار مع بعض
ما ننسى مكالمتها اليوميه او يومين إذا طولتي
إذا ماكان فيه شغاله…ورحت لهم ولقيتها تشتغل اساعدها
مشاركاتهم في مناسباتهم
الطلعه معاها في مشاويرها إذا هي تطلب منك او تحسين انها تحب تطلعبن معها
إذا كان عندها موعد مستشفى او تعبانه…نسوي عنها الغداء
نراعي مشاعرها..وحتى نتجنب غيرتها على ولدها …ما نسير رومنسيين قدامها
مافيه مشكله لو طلعناهم معانا مطعم او طلعة شوي او غيرها
هذا اللي في بالي حاليا…إذا افتكرت شي ثاني راح اقولكم عليه
وأفضل وسيلة لكسب أم الزوج هي ان تعاملينها مثل امك تماما بأحترام وتقدير وأن تشجعي زوجك على برها وصلتها وأن تحاولي ان تكسبي ودها بشتى الطرق لأن الدنيا ستدور وستعمل لك زوجة ابنك مثل ماعملتيه
انا الحمد لله علاقتيى بأم زوجى الحمد الله على احسن ما يكون
لاني بصراحة اعاملها مثل ما اعامل امي تمام يعني يوم اشتري شي حق امي لازم اشتريلها ودوم امر عليها وانشد عنها وعن صحتها واذا محتاجة شي وهي بعد الله يشهد انها عادتني مثل وحدة من بناتها
يعني بالكملة الحلوة والمعاملة الطيبة الوحدة تقدر تكسب ام الزوج
لقد كفيتي ووفيتي ، وعسى الله يدوم المحبه والألفه بينك وبين أو زوجك .
وهناك مشاكل بين أم الزوج والزوجه فنتفاداها بطريقتك عسى الله يثبت قلبك على طاعته ودينه .
إذا كانت أم الزوج تسبب المشاكل فيجب علي اعتبارها مثل أمي وأعاملها كذلك حتى أكسبها ،
فكره حلوه عسى الله يحفظك ويرعاك .
وفعلا بالكلمه الحلوه والمعامله الطيبه فكره لكسب أم الزوج .
اذا اردت ان تكسبي زوجك .. فاكسبي أمه لصفك …ز كيف
عامليها مثل امك تماما … حتى لو حاولت النتكيد عليك تجاهليها ولا تذكري شيئا لزوجك …. فترة بسيطة وتلاقيها احلى من العسل .. دوم تشكر بك وتذكرك بالخير وتدعو لك ولاخوانك واخواتك …
والله حماتي ورتني الويل .. بس بالمعاملة الطيبة.. والكملة الحلوة… اصبحت الكنه المفضلة عندها .. ودوم توصي ابنها ان يحسن معاملتي . والوصفة السحرية .. اعتبريها أمك يعني الأم ما بتزعل من بنتها وبتقسى عليها بالكلام لمصلحتها… ولا تنسي ان الحياة كلها دين وكما تدين تدان…. واليوم انت كنه .. غدا حماة .. يااحلى حموات المستقبل….
عزيزة باسلامي
لا داعي لتذكيرك .. فانت دائما رررررررررررائعة.
فكره جميله ( اذا اردت ان تكسبي زوجك .. فاكسبي أمه لصفك ) ،
ترى أم الزوج تعتبر كطفله إذا سببت المشاكل للكنه ومن هنا يجب أن أعاملها بلطف وعطف حتى أكسبها ،
مثل ما فعلت عسى الله يجعل الجنه منزلك ، ويثبت قلبك على طاعته ودينه .
وتدرين حبيبتى كان فى نيتى ان اكتب في نفس الموضوع ولكنك
سبجتينى بارك الله فيكِ
وفى تقديرى عزيزتى ان الزوجه المسلمه يجب ان تراعى الله فى معاملتها لحماتها
وان تعاملها كما تعامل امها تماماً بموده واحترام
فعلى سبيل المثال انا بناديها أمى واحب كثيراً أن اشترى لها الهدايا وأهاديها بين فتره وفتره
و عند الدخول عليها اقبل راسها و عند الخروج ايضاً فهذه الاشياء البسيطه احس انها
تفرحها وأختى كما يقال اعمل فانك كما تعمل تجازى فعسى الله يجازينا بان يسخر لنا زوجات
لابناءنا يخافو الله فينا ويبرونا .
