انا كتير متدايقة وهي اول مشكلة بتصير مع حماتي
من لما تزوجت … طبعا حماتي هي زوجة ابو زوجي مو أمه
وانا مو عرفانة كيف اتصرف انصحوني الله يخليكم …
انا حماتي من فترة بحسها ناشفة معي وصارت بعض المواقف
بيني وبينها مثلا..
مرة زوجي اخدني عند بيت اهلو لانو كان عندو شغل بالليل
وما بدو ياني ضل لحالي .. فالمهم عمي بينام بكير بس هي
كل يوم بتسهر للساعة 2 او 3
بس لما انا اجيت الساعة 10 ونص قالتلي انا راسي عم يوجعني
بدي انام اتصلي بزوجك قوليلو ما يتأخر . انا طبعا قلتلها اوكي خدي راحتك
فراحت نامت وتركتني لحالي !!! ولما زوجي وصل عصب كتير كتير
وشال بقلبو عليها …..
بس اقسم بالله انا قلتلو لا تزعل منها ولا تقلها اي شي انا مو زعلانة
المهم نسينا الموضوع
مرة تانية انا عملت طبق حلو وجبتو عند بيت اهل زوجي المهم عمي اكل
وانبسط ومدح بشغلي وهي ما اكلت ولا لقمة … قال خايفة يرتفع معاها
السكر!!! مع انها بتاكل بالعادة ((وتاني يوم عمي جاب جاتو واكلتو نصو))
كمان حبست بقلبي وسكتت
وطبعا ما بتعرف تحكي ابدا وما بتنتبه على حكيها مرة مثلا كنت بحكي مع
اخو زوجي (عندو اخ عندو تخلف شديد بالعقل) المهم كان بيقلي انا بحب
كرة القدم قلتلو طبعا كرة القدم حلوة كتير وصرت احكي معاه فيها ..
اجت حماتي قالتلو لزوجي : شكلك متزوج حسن صبي !! (حسن صبي
بسوريا يعني بنت متل الولد)
وكل هاد انا ساكتة ما حكيت شي
وطبعا انا وزوجي لسه ما استقرينا بعد الزواج استأجرنا شقة شهر ونص
لحتى نلاقي شقة حلوة ونفرشها على مهلنا فهي قالتلي ازا بدكم اي
شي للمطبخ خدوا من عندي
فنحن اخدنا شوي شغلات وطنجرة صغيرة …… وهي عندها طناجر كتير
تاني يوم بعتتلنا مسج قالتلنا رجعولي الطنجرة ما بعرف اطبخ الرز الا فيها
زوجي عصب ورجعلها كل الاغراض وهي زعلت
واخر موقف هو اللي فجر المشكلة انو انا كنت عند بيت حماي وكانت حماتي
المصونة عم تدور على نص كيلو لحمة كانت حاطتها بالمجمدة وما لقتها ..
سألتني انتوا اخدتوا اللحمة ؟؟ قلتلها لأ ….
المهم انا بعدين تزكرت انو زوجي من يومين كان جايب معو نص كيلو لحمة
ولما زوجي اجا سألتو من وين جبت اللحمة من يومين؟ قلي من السوق ليش؟
قلتلو لانو مرت ابوك كانت مضيعة لحمة وسألتني ازا نحنا اخدناها
فهو عصب كتييييييييييييييير واتصل فيها وقلها انا ما اخدت شي ابدا
وبعت لأبوه مسج وقلو انا معصب من مرتك من زمان وهي ما بتعامل مرتي منيح
وناشفة معاها وولا مرة اتصلت فيها وقالتلها روحي معي اعرفك على صاحباتي
او امشيكي خصوصي اني بعيدة عن اهلي وما بعرف حدا بهالبلد ..
المهم ابوه اتصل فيه وعطاه يحكي مع مرت ابوه …… قالتلو انا بتصرف مع مرتك
هيك لانو في سبب بس انا ما بدي اقلك السبب لانو ما بدي اوقع بينكم واعمل
بينكم مشاكل ……. قلها لا لازم تقولي ..
المهم قالتلو مبين مرتك ما بتحبني ابدا وهالشي واضح وفي دليل انو مثلا
لما جابت الجاتوه صورت الجاتوه وصورت ابوك وانا ما عبرتني وما صورتني
طبعا هالشي صح بس والله ما قصدت ابدا وخفت اصورها تزعل يعني انا
يمكن تصرفت غلط بس ما كنت قاصدة واكيد هالشي مو دليل كافي اني انا
ما بحبها متل ما عم تقول ومو سبب كافي لحتى تعاملني بهالطريقة
والشي التاني قالت اني انا لما جيت لهون اول ما اخدت رقم موبايل ما عطيتها
وانا فعلا ما عطيتو لحدا غير زوجي وماما، ولما بعد يومين او 3 ايام قالتلي جبتي
رقم؟ قلتلها ايه جبت .. قالتلي وليش ما عطيتيني ياه لسه؟ قلتلها والله لسه ما
عطيتو لحدا ……. هي زعلت قالت يعني انا (حدا) ؟؟؟؟؟
تخيلوا كل تعاملها معي بسبب هالموقفين وياريتها كانت قالتلي ولا تشيل
بقلبها وتعاملني هيك !!!
المشكلة انو اليوم زوجي بدو يقعدنا مع بعض مشان تفتح قلبها وافتح قلبي
بس انا رافضة قلتلو ما بدي قول شي خلص انا بدي ضل معاها عالرسمي
شو رأيكم كيف احكي معاها؟؟؟؟ كتير خايفة ومنحرجة من المواجهة والله
بس لانها اكبر مني وما بحب ابينلها انها ما بتعرف تحكي وانها غلطانة بس شو
اعمل ؟؟؟ انصحوني كيف اواجهها؟؟ ولا ما اواجهها ابدا ؟؟؟
لانه بشوف الغلط وما بسكت عليه
في رجال ما بدافعو عن نسوانهم من مرة حتى لو كانو على حق
انتي لسه صغيرة وما بتعرفي اشي من مكر النسوان
انتي خليكي هيك تعاملي معها بكل طيبة ولو سمعتيها بتحكي او بتعمل طنشيها صدقيني هي رايحة تتغير
الحماوات نفسهم بغارو فما بالك بمرت حماكي انتي طولي بالك
ومافيها اشي لما تقعدو مع بعض وتصفو القلوب
بالعكس احكيلها لما بعمل اشي يزعلك مني احكيلي طوالي ما تحطي بقلبك
وانتي كمان اي اشي بدايقك منها احكيلها ما تخافي
العتاب بصفي القلوب
الله يوفقك يارب ويهنيكي
صدقي انو هل شي طبيعي جدا جدا الشعور اللي عم تشعر بي حماتك شعرت بي كل حمى وشعورك شعرت بي كنة
لذلك يا اختي نصييييييييييييييييييييحة
بكد ما تعاملك وحش عامليها كويس هية باين علية شوية قاسية بس تلين صدقيني
طولي بالك حبيها بينيلها هل شي
لما تقعدو مع بعض خليها هية اللي على حق
لكن بنفس الوقت لاتبلين روحك
الشي اللي مو عاملى انكري ولو كان عندك خطا اعترفي بية لكن بطريقة صحيحة مو بتنرفز وقلة صبر
لا طولي بالك
وبدي اكلك علىى زوجك انو باين انو يحبك كتير ما شاء اللة خلي هل شي ببالك وخلية دافع الك بالشي اللي كتلك علية حتى ما تتضايقين نفسيا بسبب افعاها وسكوتك علة افعالها
لذلك واخير مرة طنشي طنشي طنشي
واللة يهديها ويهدي الجميع
اهلا و سهلا بك و الف مبروك الزواج
ربنا يسعدكم و يهنيكم و يؤلف بينكم امين
أختي الغالية مثل تلك المواقف عادية جدا اول الزواج خاصة بين الحماة و الكنة
انت طبعا ليس عندك خبرة في كيفية التصرف معها و هداطبيعي
و هي كل مواقفها مجرد دلع مش اكتر
و هي بتحب زوجك اكيد عشان هيك بتغار عليه نوعا ما متل اكتر الامهات
و حست ان انشغلتو بحياتكم اضافة الى المواقف البسيطة اللي حكيتيها
و شيء جميل انك عرفت السبب في طريقة تعاملها
و عرفت ان الاسباب بسي2ة
لكن زوجك ما في داعي يعصب زيادة عن اللزوم لان المواقف بسي2ة
و حتى لو حب ياخد موقف ياخده بهدوء لانه عصبيته المباشرة و دفاعه الشديد عنك
يزيد من حساسية حماتك و نشافتها
ممكن بطريقة دكية و دبلوماسية زوجك يلفت انتباهها
كما يجب ان يحافظ على علاقته معها جيدة و يبينلها انه لم يتغير شيء بعد الزواج
هدا اكتر شي بتخاف منه الحموات
اما انه بدو يجلسكو حتى تفتحو قلوبكم فأنا اؤيد و بشدة انك تدهبي و تفتحي قلبك
كل اللي مدايقها اعرفيه و حاولي تجنبيه مستقبلا خاصة انها اشياء بسيط
و انت احكيلها و شددي ان ما كان قصدك و ان انت ما عندك خبرة كافية تنتبهي لكل شي
و انك بتعتبريها قريبة كتير و انها غالية عليك
و بدك دايما تكونوا مناح مع بعض
غاليتي اكسبيها افضل لك و جميل ان تكون العلاقة بينكما ودية و حلوة
و بعد تلك الجلسة راح تزول الحواجز ان شاء الله و تتفهما اكتر بعضكما
و لا تقولي بدك تعامنليها رسمي من اولها خاصة انا ما ازتك شخصيا
ولا تسببت في ضرر لك
ما هي الا مواقف عادية و تحصل كثيرا
خليك دبلوماسية و شاطرة في الكلام من امامها و من وراها لا ان يكون نفاق ابدا
بل صفاء نمية و تقبل بصدر رحب و ضعي في الاعتبار انها بمقام والدة زوجك و كبيرة في السن
و ان ت8بري خاطرها و تراعي فيها الله وان شاء الله ربنا ما يضيع لك اجر
موفقة ان شاء الله
لست البداية و خليني اقلك شئ كل حكايتك قراتها و لم اجد مشكلا حقيقيا ….و الله ليست هده هي المشاكل ستعرفين مع مرور الوقت و تدكريني.
هكدا النساء حسساسات لاتفه الالسباب و خاصة العجائز منهم
ثم قصة الطنجرة. اظنك دهبت للمطبخ و اخدتلا امممممم لا كان عليكي تقولي لحماتك ارجوكي اختاري لي شوي اغراض من ايديكي وممكن كانت تحب تلك الطنجرة و تحب الطبح فيها ما قالت شيى يزعل
و زوجك يعني عندي زوجي مثلو يعصب علي شى يعني انت لما هو يعصب على عائلتو انت قولي انت بتعصب على باطل و الله ما في شي احنا النسا كدا
و خدي اللامبالات و هو ما راح يرجع عسل بس ينقص شوي
حتى حماتك الثانية هي الظاهر متمنية لو تقربيلها اكيد لا تتحملينها في قلبك خاصة ان كانت زوجة ثانية ههههه كوني طيوبة معها لمادا المشاكل
و الله يهديكم
..
مرت عمك بدها مسايرة
اعذارها مو مقبولة ابدا للتصرف معك هييك
..
بتدقق كتير..
فالاحسن ما تختلطي معها زيادة
..
يعني عالرسمي
وشو ما صار طنشيها
….
تصرفتي هالتصرف وما لك قاصدة
ولسى المواقف كتير
على كل موقف او حركة رح تسأل وتزعل
مصيبة ههههه
..
الله يهدي بالك
و زوجك لازم ما يدقق عليها كتير