اليك الطريقه
وصفه من يدى ، لحم و دجاج و ارز بالخلطه ( وليمه لبنات لك ) من مطبخ ام تيم الله للحبيبا
المقادير:
أرز مصري (الكمية اللي تحبينها) مغسول ومتصفي
ماء بنفس مقدار الأرز (كل كوب أرز له كوب ماء) أو مرق لو عندك
سمن فلاحي محترم
كبد وقوانص دجاج
بصلة صغيرة مفرومة
0.5 ملعقة قرفة
0.5 ملعقة كركم
ملح وفلفل
زبيب ومكسرات (اختياري) انا ما بحب الزبيب في الأرز بيعطي حلاوة لا استسيغها ولكن في ناس بتحبه كدا
الخطوات:
1) قطعي الكبد والقوانص قطع صغيرة جدا في حجم الزبيب كده.
2) في الحلة ضعي سمن (ملعقة سمن كبيرة لكل كوب أرز) ولما يسيح ضعي القوانص أولا على نار هادئة طبعا لمدة 5 دقائق كده ثم الكبد والقرفة والكركم لحد لما يتحمروا كويس.
3) انشلي الكبد والقوانص وحطي البصل مكانهم حتى يبدأ لونه يحمر وبعدها رجعي الكبد والقوانص مرة أخرى واضيفي الزبيب بحيث يأخذ البصل لون أحمر داكن والكبد والقوانص تسخن بعد ما نشلتيها (أكيد بردت) والزبيب ينتفخ.
4) اضيفي الأرز والماء والملح والفلفل (ملعقة صغيرة ملح وفلفل لكل كوب أرز) وعلي النار ولما يتشرب الأرز الماء (عادي بقى كملي زي الأرز العادي) انقليه على الشياطة على نار هادية يكمل سواه
5) اغرفي الأرز في الأطباق وجمليها بالمكسرات