شعار₪طبق متميز₪ دجاج على البخار . مع الصور 2024.

غاليتي هلا فيكم……………….

ندش في الموضوع مباشره

المقادير:

دجاج مقطع منزوع الجلد
بطاطا نصفين اذا كانت من الحجم الصغير
بصل مقطع شرائح
جزر واحد مقطعه بشكل طولي
مكعب ماجي
ملعقه بابريكا للطعم ولون
ملعقتين زبادي
بقدونس
( بهارات مشكله+ ليمونه +فلفل +قليل من الملح +قليل من زيت الزيتون او الذره+ شويه ثوم )

الطريقه:

تخلط جميع المقادير مع بعضها وتتبل لمده نصف ساعه
بعدها تحطيها بوعاء خاص يجي مع قدر الضغظ مثل الي نصفي فيه الارز
تملي القدر قليل من الماء بحيث ما يوصل للدجاج طبعا الوعاء هذه يجي معه قاعده صغيره للترفعه قليلا عن الماء
يعني كل الحكايه ان نوضعه بقدرالضغط والي ما عنده لوعاء الخاص ممكن يغلف الدجاج بالقصدير تغليف محكم ويعمل نفس الطريقه وماراح يدخل الماي اهم شي تتحكمي بكميه الماي
وتحطيه على النار واول ماتبدى صفاره القدر تصفر نوطي عليه النار ونبدى نشغل العداد يحتاج تقريبا 45 دقيقه ويكون جهز
وهذه شكله وبالصحه والعافيه

وهذه صوره جماعيه طبعا هذا كان اليوم غدى زوجي وانا
راحت علي لاني ولله الحمد صايمه
وقدمت الدجاج مع الرز والزبادي بالثوم والقرفه

وهذه صوره اخيره للطبخ ها وش رايكم