بسم الله الرحمن الرحيم
السلام عليكن يا اخواتى فى لك
اليوم جايه ومعايه حلو لكن مش حلو كتير يعنى مش مسكر اوى وينفع فى الزنقات او التغيرات والاهم صحى……..
الاول لازم احكى لكم كيف كانت لحظه الولاده للفكره فى يوم من الايام فى رمضان الماضى زوجى الغالى عزم ناس
على الافطار المهم انا كنت عماله افكر وافكر محتاجه اغير فى تقديم التمر ومش عاوزه اعمل خشاف مع انى اموت
فيه المهم عندى تين ومشمش وتمر اعمل ايه اعمل ايه ………………………………………….. …………..
بليت التين والمشمش فى ماء ساخن حوالى 15 الى 20 دقيقه وبعدين …………………………………………
كان عندى عين جمل ولوز مجروشين خشن وكمان فستق مقشر وسليم وعسل نحل طبيعى ……………………
خففت عسل النحل بماء الزهر وكمان خلطت كل من المكسرات على حدا بجزء منه ليتماسك……………………..
وصفيت الفواكه المجففه وفتحتها وحشيت المشمش بالجمل قصدى عينه هههههه واللوز والتين بالفستق……….
وعند التقديم وضعت شويه عسل على الوجه للمعان ………………………………………….. ………………..
اما عمنا تمور ففصصته وكما ضيفت له شويه سمن بلدى وعلى النار ولما ساح ضيفت عليه مجموعه مكسرات
مشكله فستق ولوز وعين جمل وجوزهند وخلطنهم وكورته كور صغيره ومررتها بجوز الهند …………………..
وعند التقديم وضعت شويه تمر عادى بصراحه خفت الناس ميعجبهمش الاختراع وهما صايمين لان جوزى مش
من السهل يقتنع بالاختراعات معقدنى لكن المره ديه ابهرهم الاختراع والاهم ابهره زوجى لانه صعب فى الاكل
تصدقوا اكله الاختراع وفاض التمر السليم وزوجى طلب منى اعمل بيه الاختراع بكره لاصحابه فى العمل ………
المهم رغيت كتير سامحونى وكمان اناصورت الشكل النهائى ………………………………………….. ………
يارب يعجبكم اختراعى والاهم دعواتكم الحلوه
تسلم ايدك ياقمر
كتبت بواسطة ام احلى زيزو 
يسعدنى اكون اول رد
تسلم ايدك ياقمر
شكرا ليكى ياحبيبتى اسعدنى وجودك عندى نورتى
ربنا يباركلك و فى صحتك و فى اولادك و دائما عامر حبيبتى
كتبت بواسطة أم شادى تسلم ايدك حبيبتى رووووووووووووووعه صحه و عافيه يا رب
ربنا يباركلك و فى صحتك و فى اولادك و دائما عامر حبيبتى
ربنا يباركلك و فى صحتك و فى اولادك و دائما عامر حبيبتى
اهلا بيكى ياغاليه عندى وعامر بوجودك مشرفانى دايما ويجعل حظك من دعواتك
تسلم ايديك
الله يخفظك لاهل بيتك ولمنتدى لك وتخترعي كمان وكمان
بانتظار جديدك دوما
مشكورة على الفكرة الحلوة