●•°حلى متميز°•●كيكة اوريو بتعجب الكبار قبل الصغار 2024.

السلام عليكم ورحمة الله وبركاته ..

هذي اول مره اكتب موضوع بركن الحلويات .. اتمنى ما تكون الطريقة مكررة ..

مقاديرها ..

3 بيضات + فانيليا ..
كاس سكر ..
نص كاس زيت ..
كاس حليب سائل ..
اخفقيهم مع بعض ..

بعدين حطي عليهم ..
2 الاربع كاس طحين منخول ..
1 ملعقة اكل بيكنج بودر ..
ذرة ملح ..
وكملي خفق الى ان يصبح عندك هالخليط ..

طريقتها ..صبي نص مقدار الخليط بقالب الكيك المدهون بزيت ..
بعدين جيبي علبه اوريو (اللي فيها اربع اكياس صغيره) .. وكسري كيسين فوق الخليط ..
بهذا الشكل ..
ملاحظه .. ممكن في هذي الخطوة انك تحطين ملعقتين اكل نوتيلا (كاكاو الساندويتش) وتوزعينهم بشكل دائري عالخليط بس انا ما عندي اياه (وبيني وبينكم عشان نقلل السعرات الحرارية) ..

بعدين صبي باقي خليط الكيك .. وعلى وجه الكيكة حطي الكيسين الباقين من الاوريو ويكونون مكسرين ..
بهذا الشكل ..

دخليها الفرن لمدة نص ساعه على درجة حرارة متوسطه ( لا تنسين تفتحين الفرن قبل خمس دقايق) .. بعد ما تطلعينها (طبعا تكونين متأكده انها استوت بغرز عود اسنان ويطلع نظيف) وهي حاره صبي عليها كاكاو هيرشيز السائل .. واذا بردت اقلبيها بالصحن (وارجعي اقلبيها عالوجه) وزيدي الهيرشيز وقت التقديم ..
وهذا شكلها لما طلعت من الفرن (جنبها صورة الهيرشيز السائل) ..

وهذي صورة علبه الاوريو اللي اقصدها ..

.. ما صورت شكل الكيكة لما قطعتها لاني اخذتها بيت اهل زوجي .. بس مرررررره عجبتهم ..
واتمنى انها تعجبكم بعد ..