السلام عليكم ورحمه الله وبركاته
ازيكم اخباركم ايه اليوم هانعمل بسيط ومنه عده اشكال و كمان حشوات بسيطه وتنفع مه حفلات البوفيه
ده طبعا غير الكرواسون بتاعى اللى عملته قبل كده التانى تحفه بجد ده لذيذ بس اقرب للمعجنات العاديه و كنت شفت شكل الورده ده و المقادير من موقع اجنبى
نبدا بسم الله
اولا هانعمل خميره و نسيبها كام ساعه وممكن المستعجله تخليها ساعه واحده بس
ودى مقادير الخميره كوب دقيق +اقل من نص الكوب حليب دافى + خميره بيره قد عين الجمل ( الجوز )
+ ملعقه كبيره سكر و نعجنهم مع بعض و نغطيها و ننتركها المده اللى قلنا عليها
مقادير العجينه
2 ونص كوب دقيق +4 ملاعق كبيره زبده طريه +ملعقه صغيره عسل نحل + 2 ملعقه كبيره سكر
بيضه وصفار بيضه وممكن نستغنى عن الصفار و نضع بيضه كامله يعنى نضع فى المقادير 2 بيضه +
ملعقه صغيره بشر ليمون وممكن الاستغناء عنها +ملعقه صغيره ملح + 2ملعقه كبيره ماء بارد
نعجنهم مع الخميره اللى اتخمرت من قبل و نتركهم ساعه تتخمر معلش انا خمرتها فى العجانه لان جوزى جه
بدرى و عايز يتغدى و ينزل و طبعا انتو عارفين الرجاله معندهمش صبر ملحقتش اشيل العجين فى طبق سبته زى ما هو وغطيته بس
وده شكلها بعد التخمير
ثانيا بالنسبه للعجينه ندهن حدود 4 ملاعق زبده او نصف كوب طبعا تكون جامده بس انا جوزى جابلى الزبده وراح
كذا مكان فجه البيت والزبده بقت زى مانتم شايفين
المهم نضع الزبده المقطعه رفيع على تلات الارباع العجين ونطبق زى ما شفتوه و ندخلها الفريزر ربع ساعه و
بعدين نفردها ونطبقها بالعكسو ندخلها الفريزر و نفردها و نطبقها بس خلاص وندخلها الفريز ربع ساعه و بعدين
نطلعها و نفردها و نقطع شكل المثلثات للكرواسون
و بالنسبه لشكل الورده الصورالشرح باين
و التانى بالقطاعه بالشكل ده و ندهن كل طبقه بالحليب و نضعهم على بعض و نمسح بالحليب
و بعدين نسيبه ساعه يتخمر وندخله فرن حار 180 درجه فر الرف الاوسط حتى يستوى ويتحمر
الحشو الحشوه الاولى
سبانخ مسلوقه و معصوره جيدا و معاها جبنه ريكوتا وملح وفلفل و طبعا العم روعه
الحشوه التانيه جبنه كريمى ومعاها بقدونس مقطه صغير وزيتون اسود مقطع شرايح صغيره
الحشوه التالته روعه للحلو عباره عن مهلبيه تقيله شوى و طبعا مجلاه بالسكرو بعد ما تبرد نضع عليها جوز هند و زبيب مقطع صغير وبس
الورده وضعت عليها حليب مكثف بالشكولاته و بعدين حليب مكثف عادى و طالع روعه يمكن الحليب المكثف تقيل شوى علشان عاملاه فى البيت
و بالهنا و اى سؤال اتفضلو
جداجدا مشهي
تسلم الايادي ويعطيكي العافية
ايه الجمال ده
تسلم ايدك
يا فنانه
كل شي من ايديك روعة يا مبدعتنا الغالية
ربنا يجزيك الخير ويعطيك الصحة وتفرحي باولادك حبيبتي
بارك الله فيك وما تحرمينا خبراتك مع العجين يا غالية