كيفكم ياغالياتي
حبيت اعطيكم طريقتي بصوص الثوم اللي وربي كأنه ثوم البيك اذا مو اطعم…
نجي للطريقة:
أولا المقادير:
ملعقتين نشاء
كوبين ماء
ملعقتين مايونيز
4 فصوص ثوم
مقدار(فنجان قهوة) زيت نباتي
ملح
عصرة نصف ليمونه
الطرررريقة:
اول شي تاخذي النشاء وتحطي عليه الكوبين المويه وتخلطيها كويس لحد مايذوب النشاء وتحطيها عالنار لحد ماتغلي وتبدأ تثقل وتتكثف وتطفي النار وتتركيها تبرد..
ثانيا خذي الخلاط وحطي فيه المايونيز والثوم والملح وبعدين طبي عليه النشاء اللي تركناه يبرد واخلطي كويس لحد مايمتزج ويسير مثل الكريمه…
ثالثا والخلاط شغال ابدي حطي الزيت النباتي بالتدريج مو مره وحده لا بالتدريج لحد ماتحسي انو امتزج كويس وسار الخليط كريمي اكثر وبعدها اعصري نصف ليمونه او اقل عليه واخلطي شوي وبعدها دخليه الثلاجه وبالهناء…
اتمنى من كل من تقرا وصفتي وتطبقها تدعي لي ان الله يحقق لي اللي ببالي ويوفق زوجي ويهديه ويخليهم لي هو وولدي ويحفظهم من كل شر اميييييين
ألف شكر