السلام عليكم ورحمة الله وبركاته اهلا ياقمرات وحشتوني يارب تكونوا بأفضل حال
النهاردة جايبلكم موضوع مهم جدا وكمان فيه معلومات جديدة وحصرية زي ما تعودتم مني دايما
مفيش بنت في العالم مش بيشغلها طول الوقت ازاي تهتم بشعرها وازاي تخليه في افضل صورة واحسن حال خاصة اذا كانت متزوجة او مقبله علي زواج والحقيقية ان مجال علاج وفرد الشعر بيتطور بسرعة جدا يوم بعد يوم وبتظهر تقنيات جيدة ومتطورة طول الوقت سواء في المنتجات العلاجية او الفرد او حتي العناية اليومية وهنا هحاول الخصلكم الموضوع ببساطة وهنبدأ الكلام علي اشهر التقنيات المستخدمة في علاج الشعر بالكيراتين وهيا كالآتي
Nano technology
Bio technology
Bh technology
واي تقنية بتستخدم في علاج او فرد للشعر بيكون الهدف منها هو تطوير المنتج وتحسين اداءة وفاعليتة وكفائتة ولوقتي تعالو نتعرف علي التقنيات دي بتبسيط شديد و باختصار
تكنولوجيا البايو
وهيا التقنية الحيوية وهيا في ابسط تعريف لها هيا استخدام الكائنات الحية او او المواد الناتجه عنها لتحسين الخواص و النتائج وبالتالي فهي تكنولوجيا من شأنها تطوير اي منتج قد تدخل علية وتحسن من فاعليته ونتائجة
النانو تكنولوجي
أو التكنولوجيا متناهية الصغر، تلك التي تقوم على استخدام الجزيئات في صناعة كل شيء بمواصفات جديدة وفريدة ومتميزة اي انها تستطيع بدخولها في مادة معينة من تقسيم الجزيء الواحد الي الاف الجزيئات مما يعطي تأثير افضل و فاعليه مضاعفة لهذا المنتج واختراق البوصيلات لاعادة بناء الشعر من الداخل
تقنية ال بي اتش
اولا البي اتش هيا درجة قياس نسبة الهيدروجين في الماء اذا كان سالبا يكون حمضي واذا موجبا يكون قلوي ولكن ظل التأكد من هذة النسبة غير محدد حتي ظهرت اجهزة حديثة
تعمل علي قياسة كهربائيا للتأكد من النسبة الصحيحة ومن هنا سميت تقنية البي اتش التي اذا تم ضبطها اثناء تصنيع المنتج يعطي المنتج نتائج جيدة جدا واكثر فاعلية من غيره ويحفظ تأثير المنتج بالشعر لفترة اطول مع اعادة بناءه الشعر بشكل افضل و درجة البي اتش الطبيعية لشعر الانسان من 4 الي 5 فيجب التأكد من هذا الدرجة في اي منتج نستخدمه
ده عن مميزات التقنيات دي لكن هل ملهاش عيوب؟ باللنسبة للنانو والبايو
لها عيوب ؟
اكيد اه وده في حال كان منتج سيء او بيستخدم فيه مواد كيميائية
لية؟
لان التقنيات دي بتضاعف فاعلية المنتج ونسبة اختراقة لفروة الرأس لعلاج الشعر من الداخل يبقي خطر جدا اذا استعملنا منتج من دول وفية نسبة أي مادة كيميائية لانها بالشكل ده هتتضاعف هيا كمان وتعمل ضرر خطير
باللنسبة للبي اتش لازم نتأكد ان درجته لا تزيد عن 5 بأي حال من الاحوال لانه لو نسبته قليله هينعم الشعر جدا لكن بعد فتره قصيرة هيهري الشعراية ويخليها بتتكسر بسهوله وتتقطع
ومن مسميات تابعة لتقنية النانو تكنولوجي (مونو نيكلر نانو مليكلر نانو سفير) احذروا تماما من استخدام أي منتج يستخدم احدي هذة التقنيات ويكون بيحتوي علي فورمالدهايد او الدهايد او أي مادة كيميائية اخري لان زي ماقولنا ده هيضاعف مرات فاعليتها + انه هيخليها تخترق بصيلات الشعر يعني هتكون خطر جدا جدا
واقروا الموضوع ده هيفيدكم
وحاليا توجد العديد من المنتجات ( الكيراتين _ أمبولات الشعر_ومنتجات العناية اليوميه (شامبو وسيروم ولوشن وزيت)
تستخدم تقنية النانو لعلاج التساقط والجفاف والهيشان والتقصف وغيرهم من مشكلات الشعر لمضاعفة وسرعة فاعلية العلاج
اشهر منتج مستخدم لهذة التقنية هوه النانو كيراتين وده علاج داائم للشعر؟؟ معقول طيب ازاي؟
ده كيراتين سائل الخام فيه نسبته عالية جدا وبيستخدم عن طريق جهاز مخصص مصنوع بتقنية النانو يحولوا الي جزيئات صغيرة جدا تخترق جذور وبصيلات الشعره وتعيد بنائها من جديد وتصلح ما بها من تلف بمعني انه يعالج التقصف والهيشان والتساقط والضعف والجفاف وبشكل دائم لكن ده بيحتاج الي عدة جلسات حسب طبيعة وحالة الشعر
لكن مالوش علاقه بالفرد يعني اللي يقولك انه بيفرد بيكدب عليكي
لان الفرد قصة تانية خالص
ومنتجات الفرد الحديثة حاليا بعضها يستخدم تقنية البايو
اواضافات اخري لتحسين فاعلية المنتج وحماية الشعر للوصول الي اقل ضرر ممكن يصيب الشعر من المواد الكيميائية مثل اضافة ( الشيكولاتة _الكيراتين_زبدة الشيا_زيت الزيتون_زيت الاركان المغربي )
يعني اذا انتي شعرك ضعيف شوية تستخدمي مثلا النوع اللي بيحتوي زبدة الشيا
واذا شعرك باهت ومطفي تستخي النوع اللي بيحتوي زيت الزيتون او زيت الاركان المغربي وهو الزيت رقم 1 علي مستوي العالم
واذا محتاج فاعلية وثبات اكتر وحماية اكتر للشعر تستخدمي النوع اللي يحتوي علي الكيراتين والشيكولاته
((وافتكري دايما))
(مش اي نوع فرد يناسب اي نوع شعر ومش اي نوع كيراتين فعال مع اي نوع شعر)
ولازم تتأكدي ان مكونات المنتج اللي هتستخدميه آمنه وجيدة و
مناسبة لطبيعة شعرك ومفيهاش ضرر عليه علشان مترميش فلوسك في الارض او تضري بيها نفسك
ولي عودة معكم مع موضوعات مهمه اخري قريبا جدا ان شاء الله
اللي تنقل اي فقرة من موضوعي تكتب منقول وياريت بلاش تحريف الموضوعات ونسبها للغير عشان انا تعبت من الحركات دي
واسألكم التقييم لكل من استفاد والدعاء لابنتي بالشفاء ولي بالتوفيق لما فيه الخير
معقوله كل المشاهدات دي وولا مشاركة واحدة؟؟
داانا والله تعبت في الموضوع جدا عشان ااقدر ابسط المعلومات واصححها اتمني اللي تستفاد تدعيلي دعوة حلوة
داانا والله تعبت في الموضوع جدا عشان ااقدر ابسط المعلومات واصححها اتمني اللي تستفاد تدعيلي دعوة حلوة
ونَرجو لجميّع الأخوات الاِستفـادة من مَجهودكْ =)
…,
كتبت بواسطة ღ Nany ღ 
جزاكِ الله خَــــيرآ ونَفع بكِ .,
ونَرجو لجميّع الأخوات الاِستفـادة من مَجهودكْ =)
…,
ونَرجو لجميّع الأخوات الاِستفـادة من مَجهودكْ =)
…,
جزانا واياكم كل الخير ومشكورة حبيبتي عالمرور الطيب والدعوات الحلوة ولكم بالمثل ان شاء الله
كتبت بواسطة عطر الندى~ بارك الله فيك
بارك الله فيكم ولكم مشكورة عالمرور العطر حبيبتي
جزاكِ الله خيرآ
والله يشفي بنتك ويعافيها يااارب