بسم الله الرحمن الرحيم
السلام عليكم ورحمة الله موبركاته
مين ما يعرف البسبوسة؟
ومين منا من لما يشوف البسبوسة يفضل يدندن
ستة بسبستله بسبوسة بالمسن والسكر والعسل..
………………….بس انا قصتي غير شكل……………………..
كان يا ما كان جاي زوزي بالليل تعبان وظهرة من وجعه مش حساااااااان
وكل هذا ليش؟
من كيس جزر حاملة وجايبة على الدااااااااااار
يعطيكي العافية يا زوزي
بس والله كيس كامل شو نعمل فيه؟
يعني والله لو انا افواه وارانب ما قعدنا كل يوم نقرط بها الجزرات
وضل ها الكيس على باب التلاجة قاعد بستنى حدى يطلع فييييييي
وبها الويك اند محسوبتكو فامت من تحت الحرام الساعة 4 العصر
وطبعا ضلت طول الليل سهرانة
بشو بدي اتسلى؟
اوعى تحكولي اقعدي دلعي زوزك
لانه ام بي سي تو والطخ والرقع والمخابرات والعصابات ماخدين عقلة ها الانسان وانا نافوخي طار من صوت التلفزيون ومن ها التتار
قلت اعمل طيب واورح اقشرله كمن جزرة بلكي اتسلى فيهم قامت ايدي سلكت وقشرت كل الكيييييييييييس 
يا حبيبي وين اروح فيه هلاء؟
بعدين قلت مش الناس بتعمل كيكة الجزر؟
انا بعمل بسبوسة الجزر
وفعلا هيك صار بلشت بالاختراع وسميت بالرحمن
برشنا الجزرات 
وحضرنا المكونات
كاستين جزر مبشورين
كاسة زيت
كاسة لبن رايب
كاسة سميد
كاسة طحين
كاسة سكر
بيضتين
ملعقة باكنج باودر
ملعقةفانيلا
ملعقة قرفة
خلطت الجزر والسكر مع بعض 
ونخلت الطحين والباكنج باودر فوقهم 
ضفتلهم السميد وبلشت تحريك 
وهلاء دور السوائل البيض واللبن والزيت والفانيلا 
وكمان نحرك ونخلط 
ونضيف القرفة 
ونضيف الخليط لصينية مدهونة بشوية زيت 
وعلى الوجه نضيف الجوز……….واذا عندك مكسرات تانية تحبي مش غلط زوزي استفقدني بصراحة بالليل قام مسكني بالجرم المشهود وحب يشارك فحط اكمن حبة كاجو على جهته قال بسسسسسسس 
ونخبزها على نار متوسطة 
وبس تطلع نسقيها بالقطر 
ونركز على الجوانب 
ونتركها تبرد وترتاح 
وبعدين بالهنا والشفا 
على فكرة الجوز طلع محمص مممممممم بجنن طعمه 
وريته صحة وهنا على قلوبكو
تحياتي واحتراماتي
الماسة
ام سهام واسيل
والتالت على الطريق
تسلم ايديكى روععععععععععععععة
ماشاء الله شكلها راااااااااااااااااائع وااكيد مغزى يسلموووووووووووووووووووو
انتى هون يا ام سهام ومنزله هل اشياء الزاكيه وانا قاعده ناطره حد ايطل على بالبيت يا حرامك طيب افقدينى بشقفه ولا لقمه من هل اختراعات بصراحه شكلها بجنن ومقاديرك طيبه وانشالله الطعم ايكون روعه وصحه على قلوبكم يا ام الارانب خهخهخه منيح ما جاب شوال خس شو سويتى فيه يا ترى ؟؟؟خهخهخهخ
يسلموا حكياتك واطباقك البتجنن والطريقه بتشهي عن جد الله يخليلك معزوزك والتتار وان شاء الله بقومتك بالسلامه يارب
نانا اذا جابلها كيس خس بتلفوا مع السان الخاروف
تسلم يدك شكلها لذيذ وريتها لأولادي وبسويها لهم اليوم جزاك الله خير
يسلم اديكي لموسه على هالبسبوسة الزاكية
والاحلى حكاياتك اللي ما بتخلص هههههههه
بس اسيل اليوم ما الها دور ليش خخخخخخخ
يم يم شكلها تشهي
هني وعااافيه عليكم والله يفرحج بالصغاااريه يارب
الله يعطيج الف عافيه
لج احلى تحيه
تسسسسسسسسسسلمييين وااااااااااااو ابداااع الله يعطيك العافيه …
