بنات انتو طبعا عارفين ان اقل ايجار لفستان زفاف بيوصل ل 500 جنية واعلى حاجة بتعدى 4000 جنية وانا نفسى اعمل فستان تحفة فعندى فكرتين الأولى
انى ممكن اشترى فستان زفاف قديم واظبطه عند خياطه بس طبعا فستان يكون بحاله كويسه زى الملابس الى بتتباع بتاعت الأجانب وبتكون بحالة جيدة وسعر اقل زى الى فى بورسعيد
بس انا خايفة من الأمراض والحاجات دى ومعرفش فين الأماكن الى بتبيع الفساتين دى
اما الفكره التانية انى افصل فستان اشترى القماش بتاعه وافصله عند خياطة يكون سعرها كويس يعنى لو قدرة اعمل الفستان ب500 او 600 جنية يبقى كده جبت فستان ويبقى معايا للذكرى احسن ما ااجره لليله واحده وبنفس السعر
فلو واحده من القاهره تعرف خياطه لفساتين الزفاف ويكون سعرها كويس ياريت تدلينى وانا هدعلها
ودى بعض الفساتين الى انا محتاره اختار منها انهى مع العلم انى ممتلئة الجسم قليلا يعنى ازيد من وزنى المثالى ب 10 كيلو فقط وطويلة طولى حولى 170 سنتميتر
اسيبكوا مع الصور
دا اول واحد عجبنى قوى
وده بردك شيك بس عوزنى اعمل رجيم شوية
وده بردك حلو قوى سنبل
ياريت يابنات تسعدونى بسرعه علشان زفافى قرب فضلى حوالى شهرين او 3 بالكتير قوى وجزاكن الله خيرا
في محلات تحفه بتأجر فساتين ب800 جنيه في سوق ليبيا على ما اعتقد..
انزلي اتفرجي الاول لان التفصيل مكلف خصوصا لو كان فيه شغل..و في الاخر النتيجه مش مضمونه..
طب مانت ممكن تعملى ايجار بنص التمن
انك تفصلي فستان على مزاجك وبعدين تانى يوم الفرح تروحى ترجعيه وتاخديه نص اللى دفعتيه ونبقي انت اول واحده تلبسه
وبعدين اللى بيغلي الفستان تطريزه لكن طول ماهو سيمبل بيبقى معتمد على قماش الفستان عشان يطلع الموديل حلو
وبعدين لااعتقد ان هناك فساتين باقل من الف
على العموم روحى ممر الكونتنينتال في وسط البلد في محلات فساتين افراح هناك كتير وحلوة وذوقها متوسط ممكن يعجبك حاجه عندهم لان بقي محلات المهندسين ومدينة نصر ومصر الجديدة والاحياء العاليع ستجدى فيها مايعجبك بالشكل لكن بالسعر لا
ولو بحثت اكيد هتلاقي
في كمان محلات بالموسكى او العتبة تقريبا لفساتين افراح وهناك ايضا افرع لمحلات شيك جداا لكن السعر هناك بيكون اقل يعنى انت ممكن تسالي نواحى شارع الازهر وان شاء الله تجدى ماتبحثي عنه
