الوسم: الكسلانه

كيفكم صبايا
اليوم جايبتلكم اكله سهله وجدا سريعه ما بتاخد منك نص ساعه
وبصراحه انا بعملها لما بكون ما جاي ع بالي اطبخ
خلينا نبلش ….

المقادير :
– 5 رغيف خبز كماج ( تختلف الكميه حسب عدد الاشخاص)
– نصف كيلو لحمه مفرومه ناعم ( بدون دهن)
– 2 حبه بصل ( مفروم ناعم)
– 2 سن ثوم ( مدقوق ناعم)
– حبة بندوره
– 2 ملعقه رب البندوره
– ملح , بهارات
– صنوبر

الطريقه :

– يوضع ملعقتين زيت في طنجره على نار هادئه يضاف عليه البصل والثوم ونتركهم حتى يشقر لونهم
– نضيف اللحمه الفرومه والملح والبهارات وتقلب المقادير جيدا
– تقطع البندوره ناعم وتضاف على اللحمه مع ملعقتين رب البندوره مع اضافة شويه ميه
وتترك على الغاز مدة 10 دقائق او لحين استواء اللحمه..
– يقلى الصنوبر ويضاف على اللحمه بعد استوائها ..

– نقسم الخبز من الصف على شكل نصف دائره ويحشى كل نصف بملعقتين كبار من خليط اللحمه
ويصف في صينيه الفرن
– بعد الانتهاء من حشو كميه الخبز يرش على الخبز المحشو من الجهتين بزيت الزيتون
ويوضع بالفرن حتى ياخذ اللون الذهبي ..

والف صحه وعافيه