الشاتوه
ده اول موضوع اكتبة ويارب يعجبكوا
المقادير
1 كوب سكر – 1 كوب زيت – 1 كوب لبن
1 كوب دقيق – 3 بيضات – كيس فانيليا
كيس بيكينج بودر – 3 ملاعق كبيرة كاكاو خام
الطريقة
نخلط السكر مع اللبن مع الزيت والكاكاو كويس
ونحتفظ بكوب الاربع من الخليط فيما بعد
باقى الخليط نضيف ليه البيض والفانيليا ونضربة فى
اتجاه واحد طبعا
ثم نضيف الدقيق مع البيكينج بودر ونخلط كويس انا بستعمل
مضرب يدوى سلك
سمك الخليط اخف شوية بسيطة من الكيكة العادية
يعنى اذا لزم من شوية دقيق مافيش مانع
ونكون مجهزين الفرن زى الكيكة العادية وصينية تكون مدهونة
بعد لما تطلع وتهدا شوية الخليط اللى احتفظنا بيه
نسقية كله عليها
انا كمان بحط بشر شيكولاتة خام
انا مصورهالكوا لو عجبيتكوا قولولى رأيكوا
تسلم ايدك يااااااااااااااااااااارب بس فين الصورة
الظاهر انى فشلت فأنى احمل الصورة لكن هحاول تانى
وشكرا على تشجيعك فى اول موضوع
حبيبتي تحميل الصور من اي موقع تحميل اعملي بحث في جوجل حملي من العملاق وخدي اللينك بعد التحميل واعمليه كوبي وبيست وضفيه هنا هتظهر الصورة علي طول
الطريقة شكلها جميل بس محتاجين صورة عشان نعرف ايه الشاتوه لاني اول مرة اسمع عنه بصراحة
تماما مثل مافالت أختي فراولة ياريت نشوف صورة لأني مانعرفش
شو هي شاتوه …وبارك الله فيكي
حبيبتى فراولة شكرا على تعبك معايا
انا حاولت فاللينك ده لكن قاللى ان الصورة معطوبة متهيألى حجمها اكبرمش عارفة
لكن بجد الطريقة سهلة وجميلة والنتيجة بتبقى حلوة
وهحاول تانى ياحبيبتى معلش انا لسة جديدة اعذرونى
تسلمي الف شكر حاولي تصغري الصوره شوفي قسم الكمبيوتر فيه موضوع يشرح بالكامل تصغير وتحميل الصور
تسلم ايديكى
تسلم ايدك ونورتي المنتدي
بس لسة عايزين نشوف الصورة برضه
