المنااسب Archives - مدونة لاكي

السلام عليكم
شغالتي اندونيسيه صار لها عندي 3 سنوات عمرها تقريبا 21 سنه من جات عندي وانا كأني اربيها افهمها على عاداتنا والحلال والحرام .. افهمها على امور الدين وكل ماتجهله اعاملها مو انها بس شغاله لا كانا اهلها واقول لها انتي مو لحالك انتي نفس الشي بين اهلك اعتبرينا مثل اهلك افهمها على انظمتنا عشان تخاف وماتسوي غلط .. من جات عندي وهي تكذب وحااااولت اني اغير هالصفه وصار افضل زوجي يعتمد عليها في تنزيل الزياله وبعض الامور خاصه انا في الدور الرابع .. لاحظت قبل فتره داايم تبي تنزل الزباله فانتبهت وصرت اقلل من نزولها لكن يصادف تنزل او تعطي مفتاح السياره للهندي الا ينظف .. امس زوجي ضبطها بعد ماتاخرت ونزل الا شافها تسولف مع الهندي والهندي فرحان وتارك السياره ويمشي وراها .. زوجي انقهر وجابها البيت وعصب عليها وهي كالعاده نكرت وكذبت عيونه وبعد محاولات مني قالت هو من زمان يلاحقها قلت طيب ليه ماقلتي لنا اذا انتي ماتبين غلط؟وظلت تبكي بعدين زوجي كلم الهندي الا يقول شغالة انت مو زين هي الا عادي تسولف وكانت تبي جوال من عنده ؟! انا انصدمت منها رغم ان حتى سواق بناتي نبهنا وقال انتبهوا شكلها مو زينه لكن حاولت اني اتقرب منها وافهمها الاخطاء واخليها تكون قريبه من ربها مو خوف من انسان لا خوف من الله .. ولا نفع معها اسلوب ولا شي؟! بعدها عاتبتها وانا مقهوره والواضح ان صحيح هي الا كلمته والظاهر كانت لها نيه يكون عنطها جوال مع انها اصلا ماتكلم اهلها بالاشهر وانا الا احاول معها تكلمهم .. المشكله الحين اني تعبت منها ولا قادره استغني عن شغاله ولا اضمن الا بتجي بعدها في نفس الوقت قاهرتني وماعندي ثقه فيها بعد تصرفها ..ابي تساعدوني في اتخاذ قرار .. من صفاتها الايجابيه :
هاديه جدا ماتعصب ولا ترفع صوتها .. تهابني جدددا ويهمها انا كثييير واكثر من زوجي .. احسها ماتنظر لزوجي وبالعكس انا الا يهمها رضاي
لو ايش ما اطلب منها ماترفض ولا تضجر وبالعكسلما اكون زعلانه منها ولا اخليها تساعدني تبكي وتنجرح تفرح ان تساعدني حتى لما ما انام وتشوفني جالسه مايهون عليها تنام وكل شوي تقولي مدام تبين شي ..
عادي تجدد اقامتها ودايم تقول تحبنا وتبي تجلس معانا ولو راحت تبي ترجع .. لما ازعل تكون متضااايقه وتبكي تقولي ابيك راضيه
كونها بنت فما تنظر لحياتي الزوجيه مثل الا قبلها .. ماتتشمتت مثل الا قبلها بالعكس لما تشوفني مبسوطه احسها مرتاحه عكس الا قبلها
سلبياتها :
تناظر الرجال الاجانب وشكلها تبي فرصه
اوقات مثيره تهمل نظافتها الشخصيه .. تكذب وتطلع الف حجه والف كذبه وتسوي نفسها غبيه ..
كثير اوقات تغش في التنظيف تقول ايه نظفت وهي لا
الحين انا محتاااره وش اسوي مرات اقول اسفرها واجيب غيرها مع ان ممنوعات الاندونيسيات والا متوفر غير مرغوبات الا هي الجنسيه السرلانكيه والاثيوبيات الا مستحيل اجيب منهم كثر ماسمغ من اجرام
والا اتصبر انا اقدر امنعها ماتطلع ابد لكن نفسيا مو مرتاحه منها شنو كانت تهدف ؟ ليه تبي جوال مع انها معاي تقول عادي مو لازم جوال واصلا مو مهتمه تكلم اهلها حتى تقولي اوقات انسى اندونيسيا ؟ امرها غريب والا في تفكيرها شي مخبيته ؟

زوجيها اذا ينفع .الهندي

اختي ليمي
هذا شئ طبيعي بنت بعمرها تحس بالشباب هي مثل بناتنا بس بدها توجيه منك اكثر وصاحبيها واشعريها بهذا
انا اعرف انك ما قصرت في تعليمها اشياء كثيرة لكن هذي بنت صغيرة وحظك انها بتميل للشباب وهذا طبيعي جداً
وظيفتك الان الانتباه اكثر ومراقبتها وتوجيهها بالحسنى الخدامات بشر مثلنا ولهم احساس ومشاعر
وانت ذكرت انه لها صفات حسنه ويتحب ترضيك ممكن لو روحتيها الله يبتليك بوحدة مزعجه اكثرالله يجيرك
طولي بالك وان شاء الله بتتحسن

مفيش إنسان كامل مكمل ، كلنا فينا عيوب ،
و إنتى أختى شكلك محتاجة إنسانة كاملة من كل شئ و ده صعب تلاقيه فى البنى آدمين العاديين
فما بالك بشغالة جاية من عادات و تقاليد بلد إلى عادات و تقاليد بلد تانى ،
لااا و مش أى بلد ،
على ما أظن إن حضرتك من السعودية يعنى بلد إسلامى محافظ جدا
و إن لم تكونى منها فأنتى من بلد عربى يحمل أصول شرقية محافظة.
و إنتى عاوزاها تتعود على عاداتكم و تقاليدكم ، و ده هيكون صعب إلا مع زمن و فترة طويلة ،
و طالما إنتى وازنتى بين سلبياتها و إيجابياتها فعليكى إنك ترجحى كفة إحداهما ،
و الكفة اللى ترجح إمشى و راها ، لو السلبيات أكتر مشيها و هاتى غيرها يمكن تكون أفضل ،
و لو الإيجابيات أكتر خليها و حاولى معاها أكتر من مرة و إن شاء الله بالدعاء ربنا هيصلح حالها.
أهم حاجة تهتمى بحاجتين و تخلى بالك منهم ,,
الأولى : إنها ما تكونش بتسرق .
الثانية : إنها ماتكونش عينيها زايغة (إنتى فاهمانى طبعا) يعنى مايكونش عندها ميول و رغبات جنسية.
و فى النهاية : خلى زوجك برضو يكون شديد شوية مع الهندى ،
يعنى مش كل الشدة تكون مع الشغالة ،
لأ لازم يكون الشدة و الإنتباه على الرجالة هما كمان و ربنا يستر أهراضنا و أعراض المسلمين أجمعين.

سرحيها يا اختي …قبل ما تعمل شيء….الله يوفقك للخير

صراحة اختي عالم الخدم غريب عجيب به كثير من الحظ

مثل ما قالت الاخوات هي شابة بمقتبل العمر ومن بيئة مختلفة تماما عنكم فصعب عليها تتاقلم معها وتحرم نفسها من امور تهتبرها هي عادية

احمدي ربك انها حاولت مع الهندي ومش مع زوجك

لكن نستغفره تعالى لفعلتها تلك لانها ايضا غلط

ربما يمكن تزويجها للهندي او لاي شاب تريد

سؤال: ليش ممنوع تحمل جوااال؟

حتى لو ما الها صديقات وحتى لو انها تتصل باهلها من هاتفكم

ايش الحكمة من منع الجوال؟

اما تعليمك لها الممنوعان فانها لن تنفذها رغبة الا لو ايقنت بها وليس تعلمتها فقط

اعادتها او ابقائها امر كبير استخيري الله تعالى

وابعديها عن زوجك جدا واتركي علاقتها معك انت فقط بكل ما يخصها

ومن تكذب اليوم لا تعلمي ماذا يمكن ان تفعل غدا

ومن عاشت مخنوقة من مظاهر الحياة وهي ترى اصحاب البيت يتنعمون بكل الرفاهية وهي ممنوعة من ابسط حقوقها كانسانة " الجوال" فربما تفاقمت الامر معها

ولن الومها وحدها لانكم مسؤولين عن ذلك ايضا

حسب مافهمت من كلامك انك فى الدور الرابع يعنى ساكنة فى شقة يعنى مهما كانت
الشقة كبيرة فسهل تنظيفها وترتيبها
ليش ماتهتمى ببيتك لحالك وريحى راسك من الشغالة ومشاكلها وهمومها
المفروض ماعاد تفكروا بالشغالات بعد الجريمة الشنعاء اللى حصلت
للطفلة تالا رحمها الله

السلام عليكم
السؤال
انت اتعودت ان تعطي الاوامر
عودي نفسك لان الخادم مهما طال بيها الامر
اول ماتيجي لها فرصه للعمل باجر ازيد لا تتورع ان تتركك
تعرفي انك بتاخدي اجر وبثواب
حاولي شراء غساله اطباق ظريفه تسا عدك علي غسل المواعين
والطبخ ما مشكله توكلي علي الله ورجعيها قبل ان تسبب
من المشاكل مالا يحمد عقباه
وقسمي الاعمال المنزليه علي مدار الاسبوع

الف. شكر
ام الخير حبيبتي. كيف محرومه من ابسط حقوقها ؟ الجوال صار حق ؟ اخاف لا يكون شرعا واجب ؟ من الاسباب طبعا ان مابي اكون مغفله وتستقل وجود الجوال في خرابيط وهي انسسانه ضعيفه ومخها صغير كلمها توطيها وكلمه تجيبها وممكن ينلعب عليها بسررعه ولا هي متزوجه وعندها اولاد عشان اقول مسكينه تحتاج مشاعرها كأم تكلم اطفالها .. فوق هذا ماتسأل في اهلها اصلا انا الا اذكرها فيهم واذا حبت تكلم مامنعها بالعكس انا الا احثها واخليها تكلم من جوال لكن موجود عندي.. هذا توها جريمه الطفله تالا من ضمن مبررات المجرمه ان. عندها جوال تواصلت مع احد من اهلها ويمكن لهم دور في الشي الا صار ..ياما سمعنا عن مشاكلهم لاسيما مع تواجد جوال كثير تلعب وتتواعد وتستخدمه استخدام سيء .. حبيبتي انا نفسي ما اعتمدت تواجد الجوال معاي الا يمكن آخر وحده والسبب ماكنت احتاجه ولا كان ابوي يشجع على ان نمسك جوال وكان الوضع عادي عدم وجد الجوال ماسبب لي مشكله نهائي اضافه الى ان اصلا الجوال صار له كم سنه ؟ ليش هو من خلق آدم كان موجود ؟ ما كنا ايام قبل عايشين من غيره .. بالنسبه ان مخنوقه .. اولا هي جايه وعارفه شنو وظيفتها مو حايه والله ارفهها زين اذا انا ترفهت هذا وانا ام ومسؤوله من اطفالي وزوجي هي ملها فتره بترجع وبتحقق احلامها من رواتبها .. اذا خلصت فترتها تروح وتسوي الا تبيه في بلدها ما فيه ناس تتغرب عشان تدرس وتنضغط ويعيشون الغربه لكن في قرارة نفسسهم عارفين فتره وتعدي لكن الشغاله كان امر واجب ان والله ارفهها واعطيها جوال ! غير كذا للمعلوميه اني اطلعها معانا واذا حبت تروح سوبر ماركت اخليها تروح وتشتري الا نفسها فيه انا تصرفاتي معاها اني ارخي واشد في الامور الا تحتاج .. اعطيها فرصه تتكلم معاي وتسولف .. اعطيها فرصه تطلع معانا وتاكل بره .. اخليها تروح معاي مجمع واشجعها اذا نفسها في شي تاخذ .. لكن ان ماسويت كذا فهذا مو شرط اساسي ..
اشحان الحياه .. كل شخص وله حياه ومسؤوليات مختلفه .. انا زوجي مايحب يشوف غبرررره وزوجي في اليوم اكثر من مره يغير ملابسه مع كل طلعه ولابد كوي وغير اولادي ٣ مسؤوليه كبيره مو سهله .. اذا انا بسهر مع طفلي والصبح بكون مع بناتي وزوجي اجهز الفطور وبعدين انظف وطفلي كل شوي برضعه وباكله وبغير حفاظته وبسبحه وبعدين يجي زوجي واكون مجهزه الغذا ومافيه من تنوع يجون البنات واسبح الصغيره ويتغذون واذاكر لهم طوول النهار. وبعدين تنظيف وترتيب الشقه هذا كم ياخذ ؟ وبعدين يرجع زوجي وكوي مره ثتنيه هذا بعد ماذكرت غشيل الملابس وغسيل الصحون وانا كلللل ملابسنا وغير الوقت الا باخذه متى فترتة راحتي ؟ اصلا مابيصير عندي وقت اجلس ولا بيصير عندي وقت لطفلي .. بالله عليك من جد مابحتاج مساعده ؟ للعلم انتي كيف عرفتي حجم شقتي ؟ غير كذا حنا رح ننقل للبيت وبيتنا ماشاء الله ٩٠٠ متر .. وللعلم لما كان عندي بنتين وهم صغار ماحتجت لشغاله لكن الحين مسؤوليه اكثر ومع ان عندي شغاله والله اوقات كثيره مارتاح لاني انا الا اطبخ في اليوم الثلاث وجبات غير اذا احتاجوا بناتي اسوي لهم وطفلي اكل خاص وغير اطفالي ماتقرب منهم مسؤوليتي واذاكر لهم.