السلام عليكم
يا هلا بالحبوبات
جبت لكم وصفة رغيف فرنسى
مالهوش حل….
ناشف مقرمش من بره
وزى القطنة من جوه
المقـــــادير
لعمل إتنين رغيف
أنا عملت نص المقدار لعمل رغيف واحد
من 5 إلى 5وربع كوب دقيق
5 معالق صغيرة خميرة
1 1/2 معلقة صغيرة ملح
2 كوب ماء دافئ
1 معلقة صغيرة كورن ميل
بياض بيضة + 1 معلقة كبيرة ماء لدهان الوجة ( أنا أستعمل بيضة كاملة)
الطريــــــقة
فى وعاء عميق نخلط 2 كوب دقيق مع الخميرة الجافة مع الملح ويقلبوا جيدا مع بعضهم
ثم نضع معهم الماء الدافئ كله ويخلطوا جيدا 
ثم نضيف باقى الدقيق ونستمر بالعجن
ثم نرش سطح بالدقيق على خفيف
ونعجن ونستمر حتى نحصل على
عجينة قوية ومتماسكة ومطاطية
وتترك لتختمر فى وعاء مدهون بالزيت
قبل التخمر 
وبعد التخمير حوالى ساعة 
نعجن العجينة خفيف لإخراج الهواء منها وتفرد بواسطة النشابة على شكل مستطيل 
وتلف على بعضها إسطوانة 
ثم نرش صينية بالزيت ونرش عليها الكورن ميل
أنا الحقيقة ما كانش عندى فرشيته بالردة
ونعمل فيها خطوط مائلة بسكين حاد
وتترك لتختمر حوالى 40 دقيقة
وهنا شكلها بعد التخمر التانى 
تدهن بخليط بياض البيض والماء أنا أستخدمت البيضة كلها لأنها تعطى لون أحلى تخبز فى فرن حار 375 فهرنهايت أو 190 مئوىة لمدة 20 دقيقة ثم ندهن الوجه مرة أخرى بخليط البيض وتدخل الفرن تانى حوالى 15 أو 20 دقيقة أخرى لو خايفة على الوش يتحرق بزيادة ممكن تحطى عليه ورق فويل على الوش بس مش تلفى الرغيف فيه وده طبعا بيكون بعد أول 20 دقيقة وده شكله أول ما طلع من الفرن 
يترك جانبا ليبرد 
لمعرفة نجاح العملية لو خبطتى بصوابعك على الرغيف بعد ما يبرد هتلاقيه زى ما تكونى بتخبطى على باب خشب بس جواه فاضى…فاهمين حاجة يعنى كأنك بتخبطى على شئ مجوف وده شكله من جوة بسم الله ما شاء الله 
يقطع شرائح بالسكين الكهرباء 
صورة أخرى 
وكمان واحدة علشان الحبايب 
يم يم عليه بالزبدة والعسل
أو تعملية خبز بالثوم يا سلااااااام
إذا عجبتكم الوصفة إدعولى بصلاح الأحوال
ماشاء الله تسلم ايدك يام حسن نتيجة رااااااائعة للخبز الفرنسي حظي حلو من زمان ملحقتش اي طبق تسم ايدك يارب مفيش اروع من كدا ربنا ييسر احوالك ياقمر ويرزقك الخير كله
تسلم ايديك يا ام حسن
شكله بيشهي
ما شاء الله .. الله أكبر
الخبز الفرنسي شكله روعة و يفتح النفس
يسلموا إيديكي و يعطيكي العافية يا رب
تسلم ايدك يارب
وطبعا والف طبعا لازم يعجبنا طالما من ايد احلى بطوطة ام حسن
ربنا يكرمك ويبارك فيك يارب
والف هنا وشفا
وربي يصلحلك الاحوال
كتبت بواسطة
تورتاية بالكريز 
ماشاء الله تسلم ايدك يام حسن نتيجة رااااااائعة للخبز الفرنسي حظي حلو من زمان ملحقتش اي طبق تسم ايدك يارب مفيش اروع من كدا ربنا ييسر احوالك ياقمر ويرزقك الخير كله
هههه
أصل فيه هنا فى الركن نااس قاعدة 24 ساعة تلطش فى الأطباق
آمين يا رب ربنا يستجيب لدعائك
كتبت بواسطة
ديدي الكن
تسلم ايديك يا ام حسن
شكله بيشهي
شرفتينى يا قمر
ايه ده يا بطوطه…
ما شاء الله لا قوة الا بالله…
روعه يا بطبط…اديني اكتر…
تسلم ايدك..يا رب..
ربنا يخليك لاهل بيتك..و يقر عينك بيهم دنيا و اخرة..
رووووووووووووووووووعه ماشاءالله
الله يعطيك العافيه
بطوطه الجميله
ايه التحفه الفنيه دى
ماشاء الله عليكى عوزاكى تثقى من نفسك ياقمر وتعرفى انك فعلا ممتازه
وبتعملى حاجات تجنن انا شخصيا عجبنى الصمون بتاعك وانتى شفتى التطبيق
عوزاكى تتحفينا دايما بوصفاتك الجميله
والف هنا وشفا حبيبتى
تم الحفظ ان شاء الله
ماشاء الله يابطوط
يجنن
انا بحب الخبز الفرنسي جدا
ماشاء الله
بالنسبه للفرن
انا عندي مبيشتغلش فوق وتحت سوا
يعني اشغل اول 20 دقيقه تحت
بعدين تاني 20 دقيقه فوق واغطيه بالفويل صح كده
ولاينفع اخر خمس دقايق بس من فوق
تسلم ايديك ياقمر شكله هايل
وبما اني من عشاق العجائن والخبز فاكيد هعمله
ربنا يباركلك وكل مرة تجبيلنا حاجه حلوة كده
