البازنجان المدحرج والمخلل والمملح واخر سلطنه مشاركتى لالاء مقبلاتى اليوم 2024.

نواعمى البازنجان اشتكى منى انهارده
ويتهمنى انى بهدلته اخر بهدله

لانى عملته ب3 اشكال
ولكل شكل طعم خاص جدا

النوع الاول البازنجان المدحرج

وهو انى اقليت وعملت حشوته

2 فص توم مدقوق
نصف طماطمايه مفرومه
5 فلفل شطه مفرومين
ملح فلفل كمون
عصير ليمون كتير
وقليل من الخل
وقليل من الماء

وخلط كله على بعضه وفتحت البازنجانه من النص ونزلتها ببطنها جوه الخلطه علشان تتشرب منها وبطلعها وجواها قليل من الخلطه ويؤكل حالا

النوع التانى وهو البازنجان المسلوق

وحشوته

5 فص توم مدقوق
2 فلفل شطه مفرومين

ملح فلفل كمون
عصير ليمون كتير
وقليل من الخل
وقليل من الماء

وبعمل فيه نفس الطريقه الاولى ويؤكل حالا
لاكي

النوع التالت
بازنجان مخلل بالتفته

ومكوناته

بازنجان مسلوق يادوب يستوى
اصفيه علطول لان الملح والتفته بيزيد من سواه
ماء وملح
وصاحب النكهه الخاصه جدا 3 فص توم مدقوق او شرائح
وصاحب الحضور المتميز نص م ص ((التفته))
وهى ماده بتسوى البازنجان وتديله لون من عند العطار

الطريقه

بحدق المايه واحط التوم والتفته وافتح البازنجان من النص واحطه معاهم فى البرطمان
ويؤكل بعد 3 ايام
وبالهنا والعافيه

تسلم ايديكي
حرام عليكي الحاجات اللي تفتح النفس دي وقت الصيام

بس ايه هي (التفته) أول مره اسمع عنها

تسلمى يا برنسيس بس انا طول عمرى اعرف ان التفته نوع من انواع القماش
ياريت توريهالنا وتقوليلنا جبتيها منين يا اروبه انتى

تسلميلى يا قطه
انا رديت عليكى فى الموضوع نفسه ارجع واقرى الموضوع يا جميل

كتبت بواسطة كوكي2017

تسلم ايديكي
حرام عليكي الحاجات اللي تفتح النفس دي وقت الصيام

بس ايه هي (التفته) أول مره اسمع عنها

كتبت بواسطة noorelhoda

بطوطه هى البودره الحمرا الموجوده فى الصوره

الله يسلم ايديكي اختي العزيزة
روعه شكله بيشهي

رووووووووووووووعه روووووووووووووووعه يا برنسيسه
تسلمى حبيبتى و تسلم الايادى الجميله يا رب
كل صنف اجمل و اشهى من الاخر
بالف هنا و شفا يا رب

يا برنسيس يعنى هى صبغه ولا توابل ولا ايه ونجيبها منين

اترك تعليقاً إلغاء الرد