السلام عليكم كل سنه وانتم بخير بمناسبه السنه الجديده اتمني ان اعرف منكم طريقه القهوه بالمقادير لان خطيبي بيحبها موت واحنا في بيتنا محدش بشربه فعايزه ابقي شاطره جدا في عمايلها ياريت الطريقه بالتفصيل
القهوه التركيه سهله جدا وطعمها طيب والمقادير واضحه لكل فنجان قهوه نضع فنجان ماء مغلي بالدله ونص ملعقه كوب سكر وملعقه كوب قهوه وتوضع على النار الى ان تبدا بالغليان طبعا نطفي النار واللف عافيه قدميها وطبعا مع الحلو هذه هي طريقتي بالقهوه 
السلام عليكم اختى رشا المصرية
انا بعمل قهوة بتعجب زوجى شوفى يا ستى جهزى فنجان القهوة اللى حاتقدمى فية القهوة وعايرى الماء ثم ضعى الماء فى الكنكة وضعى ملعقتين بن ممسوحين واذا كان بيشربها مضبوطة حطىملعقتين سكر واذاكان بيشربها زيادة حطى 3معالق ولوسكرقليل يبقى ملعقة واحدة وقلبى كويس اوى وبعدين حطيها على نار هادية وخليكى واقفة لحد ماتعمل وش يعنى حا تلاحظى انها بتبتدى تعمل دائرة اول ما تعمل كدة 00تعمل وش 00 اطفى النار
ويارب تتظبط معاكى ودعواتك
انا كمان كان نفسي اتعلم اعمل قهوة صحيح محدش في البيت بيشربها وانا لسه مش مخطوبه لكن محدش عارف الظروف يمكن ربنا يرزقني بواحد بيحب القهوة بس انا عندي سؤال انا سمعت اني المفروض بعد ما اطفي علي القهوة احط الوش بالمعلقة في الفنجان وبعدين اصب باقي القهوة في الفنجان يا تري الطريقه دي صح ولا لا؟ ولا المفروض اني اصب القهوة مرة واحده في الفنجان؟