اخواتي الحبيبات أزيكو وحشتوني كتير
بصوا بقى النهاردة ها اوريكم طريقة عمل فتة ال ………….. ها عارفين اية ؟
ايوة انا شايفة وشوش جديدة و حاسة فيهم بأبتسامة امل هههههههه
من الاخر يا حلوين النهاردة معانا فتة مولوخية
هي صحيح حاجة غريبة بس انا لما اتجوزت لقيت اهل جوزي بيعملوها و هي شيء
أساساي عندهم و عند البلد اللي بينتموا لها و النهاردة ها اوريهالكم و يا رب تعجبكم
الطريقة انك بتعملي المولوخية زي ما انتي متعودة تعمليها
تقطفي المولخية و تغسليها و تنشفيها و تهويها و بعد كدة تخرطيها وتجيبي شوربة
وتحطي عليها الملوخية ونصيحة متقلبيش الملوخية كتير في الشوربة بس يا دوب تحطيها علي الشوربة وبتتجانس
مع الشوربة وتتركيها لغاية ما يا دوب تبتدي تغلي ( لا تتركيها تغلي كتير ) لان دة يسقط الملوخية يعني تلاقي
الملوخية تحت والشوربة فوق واحتا طبعا عوزنها كلها متجانسة اوكية
في الاثناء دي تجيبي الثوم المدقوق ناعم جدا و بناخد قطعة صغيرة من الثوم ونضيفها للملوخية
والباقي بتحمرية في السمن وقرب ما تبتدي الملوخية تغلي تحطي عليها الثوم المحمس وتطفي النار
دي بقي الملوخية المصرية الذيذة و دي الطريقة التقليدية المتبعة
و بتكوني مجهزة رز بالشعرية بردو زي ما اتعودني تعملية
اول شيء يتحمري الشعرية
بعد كدو بتحطي عليها الرز المصري المغسول
و بعد كدة تضيفي كمية الناء بحيث ترتفع شوية عن سطح الرز و تسيبية يستوي
و بعد كدة بتجيبي طبق غويط او صينية و تقطعي فية عيش تكوني محمصاة شوية في الفرن بس ما يكونش ناشف
قوي يكون معقول او ممكن لو كان طازج تعملية على طول و تقطعية
و تسكبي علي المولوخية دي لغاية ما تغطية طويس و ترتفع يشوية كمان
يعد كدة نحط الرز على وش الفتة و بالهنا و الشفا
نعليش الصور اليوم دة خانتمي و دول اللي كانو مظبوطين
غريبة دى
لكن لذيذة
الملوخية لذيذة فى كل شكل ولون
تسلمى ويسلم أهل زوجك
اللى علمونا حاجة جديدة
تسلم ايديكي
تسلم ايديك
يعني نحط الأرز على وجه الملوخية؟ اكيد قبل التقديم مباشرة حتى لا يتخبص الأرز ، صح ؟
شوفتي بقى فتة مولخية انا اول ما اتجوزت عملت لهم كدة
و اكيد المولخية جميلة جدا في كل طرقها و تسلمي يا قمر على الرد
و بصراحة انتي خليتنيني نفسي في الكوسة المحشية مع بطة محمرة كدة بنت ناس
تسلمي يا حبيبتي و شكرا على مرورك الجميل
تسلمي يا حبيبتي يا رب و اتمنى انك تجربيها
الرز بيتحط على وش الفتة يعني بتكوني حطيتي المولوخية على العيش و بعد كدة تحطي الرز فوقهم
ما تقلقيش مش ها ينزل لتحت خالص
فهمتها الأن ، عيش ثم ملوخية بعدها ارز
وتسلمى عل الوصفة الجميلة
والف هنا وعافية على قلوبكم يارب
فتة روعة لأنك عاملاها بإيديكي الحلوة
تسلم إيديكي و تسلمي و يعطيكي الصحة و العافية
و بألف هنا و شفا