خذو بيدي الى الطريق الصحيح 2024.

قبل حوالي سنة جا اخوي وطلب مني اطلع رخصة باسمي علشان يفتح مشروع

وافقت لكن بشرط انه بعد فترة من عملة ويبدا يدخل دخل من المشروع يعطيني راتب (لانه بيحرمني من الوظيفة بسبب الرخصة )
رفض وقال مو من حقك؟؟؟؟؟؟؟؟؟
بعد اسبوع جا اخوي لزوجي يشتكي مني وطلب من زوجي التدخل وافق زوجي انه يتدخل بس بشرط انه بعد سنه من فتح المشروع يبدا يعطيني راتب وما حدد قيمة الراتب قالة حسب شغلك وكرمك مع اختك
وطلع اخوي من بيتي راضي وموافق على كل الشروط……..

الان بعد مرور تقريا سنه تفاجانا انا وزوجي بانه اخوي ناوي يشارك واحد ثاني ويحط باسمه المشروع
اتصل علية زوجي وطلب يشوفة لانه بيتاكد من الكلام اذا صحيح والا لا ….

يوم جا سالة زوجي …. صحيح بتنقل المشروع باسم واحد ثاني ؟؟؟؟
رد اخوي ايوة لكن مو اكيد …..
طيب واختك؟؟؟؟
عادي ما بتزعل.. وبعدين تبغى الصراحة انا كنت ناوي اعطيها راتب من فوق خشمي ( يعني غصب ) ( بالعربي ماهو موافق يعطيني راتب )
قاله زوجي والاتفاق اللي بينا قبل سنه … وموافقتك على كل الشروط
قال والله جايتني فايدة لية تزعلو.. والصراحة اختنا وطت راسنا يوم طلبت راتب منا احنا اخوان كيف تطلب فلوس
قالة زوجي بصفتها المسؤلة قدام الدولة عن العمال وعن المشروع يعني اي مشكلة هي اللي بتروح فيها وممكن تنسجن مو انت
قالة اخوي هي مجرد اسم ما دفعت ولا ريال
المهم انهى زوجي معاه الكلام وما حب يتطاول علية لانه في بيته وقالة روح انقل كل شي عن اسم اختك
طبعا امي وابوي واخواني الباقيين زعلو وقالو اني طماعه واني وطيت راسهم (والله هذي الكلمة قطعت قلب وحسيت قلبي يومها بيتوقف) وزعلو مني وتكلمني امي وهي تبكي
ابوي ما تدخل حتى ولا حاول يحل الخلاف ( قلت انا كذا احسن علشان زوجي يعرف انه امي وابوي مالهم دخل في الموضوع )
المهم يوم راح زوجي ينقل كل شي باسم الشخص الجديد للاسف اكتشف زوجي انه وحدة من قريباتي وماهي شريكة لا نقلو كل شي باسمها لانها ما راح تاخذ منهم ولا ريال
والطامة الكبرى كان ابوي في المكتب
انا طوال اسبوع كامل كنت اقول لزوجي امي وابوي ما تدخلو لانهم مالهم دخل لا تدخلهم في المشكلة بينك وبين اخوي الله يهديه خرب كل شي هد الدنيا على راسي
طبعا زوجي انصدم يومها وجاني زعلان قال شوفي بيت اهلك بعد كذا منتي رايحة واخوانك انسيهم مو انا اللي اتفق مع رجال ويخونوني ………………
ولان الرخصة اللي انا مطلعتها باسمي طلعت الفيز وبعتها وربحت فيها ولله الحمد
يوم عرف ابوي قالي اصلا العمال مو من حقك ولا يحقلك تتصرفي ولا بعامل منهم …. وكلام كثير جارح مالو داعي اكتبة
انا مو زعلانه على فلوس او اي شي
انا زعلانه على معاملتهم لزوجي وخيانت اخوي له ويشهد الله انه زوجي عمرة ما قصر معاهم كان يدين اخوي ولا يطلب منه يرد الفلوس
كان يطلع سيارات باسمه لاخوي ويتحمل كمبيالات وغيرة
يعني اقل شي يحفظو لزوجي جمايلة
حتى انا ما فكرو فيا
ما فكر ابوي او امي او اخوي انه حياتي ممكن تنهد بسببهم؟؟؟
ما فكرو انه ممكن يطلقني او يضربني او او او…………………………………
الان انا ليا شهر ما شفت ابوي ولا امي ولا اخواني
والله قلبي بيتقطع كل يوم
نفسي احضن امي واشم ريحتها
نفسي اجلس في حضن ابوي والعب في شعره ولحيته
نفسي اجلس اضحك مع اخواني مثل زمان
والله وصلت الى درجة كبيرة من الانهيار
حتى دموعي حابستها علشان زوجي ما يتضايق وعيالي ما يحزنو
اخليهم ينامو في الليل واجلس ابكي لوحدي

قسم بالله وصلت الى حد الانهيار التام
يا ناس ارحموني انا بشر
يوم اسمع صوت امي على التلفون احس قلبي بيتوقف
قولولي مين الغلطان زوجي والا اخوي؟؟؟

اسمحى لي بان اقول لك

لو كنت مكان اخوك ما اعطيتك شىء ؟؟؟

لست شريكة له

لست مديرة اعماله

لم تتعبى من اجل المال

فكيف تأخدى مال لا حق لك فيه

طيب لوكنتي مكانها وش بيكون موقفك تشوفين الناس يترزقون من وراك

ولا يعطونك ولو جزء بسييييييييييييييييييييييييييييييييييييييط وش يكون موقفك

بس تخيلي يكون كذا بدون ماتطلبين نسبة وش بيكون موقفك؟؟؟؟؟؟؟؟؟؟؟؟؟؟؟؟؟

أتمنى الإجابة الله يجزاك خير..

الله يفرج همك عاجل غير أجل ياررررررررررررررررررررررررررررررب

ويسخر لك زوجك وأمك وأبوك وأخوانك ويهديهم من عنده..

اختي نورا الكلام اللي قالته دريم ليدي صحيح مية بالمية
راح اشرحلك موضوع
تعالي نتبادل الادوار كوني انتي صاحبة كل شي وزوجك وكيلك وتشوفي الخير اللي فية مو اخوك لا زوجة اخوك وبيته وكل هذا باسمك انتي ويش بتسوي ؟؟؟ اعطيني جواب
ثانيا
لنفرض حصلت مشكلة في الشغل وكنتي انتي وزوجك مسافرين وطبعا المشكلة لازم اللي يحلها صاحب العمل مين صاحب العمل انتي ومين وكيلك زوجك يعني بتضطري تقطعي سفرتك واجازتك علشان تيجي تحلي المشكلة طيب انا ايش مستفيدة اقطع اجازتي بس علشان اخوي لا لكن لو كان ليا فايدة سعتها لا انا ولا زوجي راح نتضايق ولا نزعل لانه انا مستفيدة وليا رزق منها
لو جا عامل وسرق مبلغ كبير وشرد مين الملزوم بتسديد المبلغ اخوي والا انا طبعا انا لانه عاملي

اختي ارجوكي فكري بالمنطق وانا ما ني زعلانه على فلوس انا زعلانه على الوعود اللي اخلفها مع زوجي وسببلي مشاكل بحياتي وهذا كله تحت مسمى الاخوة
واللي مزعلني اكثر اني عمري ما قصرت مع اخوي ابدا كنت يوم اشوفه محتاج فلوس اخذ ذهبي وابيعة لو كانت عندي جمعية اعطيه
صعبة يوم انتي تقدمي لاخوكي وبعدين تلاقي جفا منه

dream ledy الله يسعدك ويستجيب دعوتك

وصدقوني انا ناوية ان شاء الله اطبع جميع الصفحات وارسلها لامي واخوي علشان يشوفو غلطهم بنفسهم

الله يجزاكم خير
وياريت لو فية اراء ثانية اتقبلها والله بصدر رحب
لانه القلب خلاص نزف حتى مات وتحجر
وان شاء الله عيالي يطلع فيهم خير ويقدرو يحيو القلب الميت
تحياتي لكم