سلطة المكرونة الملونة الصحية المفيدة اللذيذة اووووووووي من مطبخ MONA 2024.

سلطة المكرونة الملونة الصحية المفيدة
اللذيذة اووووووووي من مطبخ MONA

ازيكم ياقمرات
انا هقدملكم اليوم طريقتي في عمل سلطة المكرونة
سلطة ملونة ومفيدة وفعلا لذيذة اووووووووووووووووي
وطريقتها بسيطة جداااااااااااااااااااااااااااااااااا
ومكوناتها موجودة بالبيت

تعالو معايا نشوف انا بعملها ازاي

المقادير

كيس مكرونة اللي تفضليه
سواء مكرونة ملونة اصلا او اي نوع انا استخدمت النوع ده
الصراحة معرفش غير انها اسمها مكرونة ملفوفة

2 حبة فلفل رومي اخضر مقطع شرائح طولية

1 حبة فلفل رومي اصفر (مكنش عندي)(استخدمت احمر بدلها)

1 حبة فلفل رومي احمر الكل شرائح طولية

حبة جزر متوسطة مقشرة بقشارة البطاطس بالطول

بصلتين متوسطين مقطعين شرائح طولية

ممكن تستخدمي صدر فرخة مقطعة قطع صغيرة(انا مااستخدمتهاش )

زيت او زبدة(انا استخدمت زبدة)

توابل (ملح وفلفل اسمر )

ربع حذمة صغيرة جدا خضرواتمفرومة صغير جدااااااااااااا (شبت علي بقدونس علي كزبرة)يمكن الاستغناء عنها

الطريقة

اولا اسلق المكرونة كالمعتاد في مياه مغلية بها ملح فقط
وبعد الغليان اضيف المكرونة واقلب واتركها 7 ل 10 دقائق تقريبا لتستوي
وبعدها اصفيها كويس من مياه السلق واشطفها بالمياه الباردة جيدا للتفكك من بعضها

ثانيا في الطنجرة او الحلة اضيف معلقة زبدة واضيف البصل

واشوحه ياريت الزبدة تكون مش مملحة
عشان ماتتحرقش بسهولة مع التشويح

واشوح البصل لحد مايدبل كده وبعدها اضيف الفلف بانواعه
واشوحهم مع التقليب المستمر الي ان يدبل الفلفل ايضا

وبعدها اضيف الجزر

ثم التوابل واسيبهم خمس دقايق

يتبع

((في حالة استخدام صدر الفراخ يوضع بعد البصل
وتنخفض النار(سهاري) ويترك قليلا مع البصل فقط
وبعد يضاف الفلفل ويتركو خمس دقائق ثم يضاف الجزر ويترك ايضا خمس دقائق
تضاف التوابل مع الفراخ في هذه الحالة وانا اضيف توابل للفراخ اخري
زي الهيل والقرنفل وبهارات مشكلة وورق غار وقبل اضافة المكرونة بنقي
ورق الغار والقرنفل واشيلهم )

ملحوظة مهمة جدااااااااااااااااااااا
لازم لازم لازم تتغسل المكرونةقبل وضعها علي الخضروات مباشرة
وتصفيتها جيدا وذلك لكي تكون منفصله عن بعضها ولونها يكون لرائع

وبعض اضافة المكرونة اقوم بتقليبها جيدا واوطي النار عليها واضيف الملح والخضروات الكزبرة والشبت والبقدونش(خضرة المحشي)
واتركها كده خمس دقائق تقريبا تتشرب الطعم
الطبق صحي ومفيد وغني جدا