هي من اشهر العجائن بالعراق وتعتبر من التراث العراقي
تشبه تقريبا عجينة الفطير المصري لكن الفرق
احنة بالعراق مانحشيها وانما نضع عليها الشيرة او القطر
بصراحة الاخت صبا كالتلي ليش ماتنزليها وفعلا خليت بنتي نايمة ورحت سويتها والطبق الاول لك ياصبا
كيلو طحين رقم واحد وبالعراقي طحين صفر
ملح
ماء حسب احتياج العجين دافي مائل للبارد
بحيث تكون قوية نوعا ما
وهذه ملاحظة مهمة لنجاح الكاهي لازم يكون العجين قوي 
نتركها ترتاح لمدة ربع ساعة
ثم نعمل منها كور عجين متوسطة الحجم
ثم نقوم بوضع زيت على المكان اللي تفتحين بيه العجين
ومن ثم تضعين على العجينة الزيت وتقومين بفتحها بالشوبك
او ممكن تمديه بايدك وتضلي بتجري بيه لحد متكبر وتصير خفيفة
وتقومين بضربها على المكان المخصص للفتح بحيث كلما رفعتيها وضربتيها تتمدد وتكبر
ويفضل دهنها بالزبدة وهي ممدودة لتعطي النكهة الجميلة
ومن بعدها نقوم بطي الاطراف الى الداخل اي نقوم بجمع الاطراف في المنتصف
حتى نحصل على شكل مربع او دائري
]
ومن بعدها نقوم بوضعها على صينية فيها ماء به ثلج
(لكي يساعد الزيت على فتح طبقات الكاهي والحصول على القرمشة وهذه خطوة مهمة لانجاح الكاهي )لمدة 10 دقائققبل وضعها بالفرن
يجب ان يكون الفرن حامي قبل مدة وعلى درجة حرارة 250 مئوية
نضعها حتى تشقر وتفتح طبقات العجين
ومن ثم نقوم بتقطيعها حسب الرغبة
وتؤكل مع القيمر العراقي
واي سؤال اني حاضرة
تسلم ايديك حبيبتي وصفه مشهيه ولذيذه
وراح اشارك صبا بالطبق ههههههههههههههه
ما شاااااااااااااااااااااااااء الله تسلم إيدك
وطول ما انت شاطرة بالمعجنات يا الله شدي الهمة وشاركي بالاطباق التراثية العراقية
لان تراثنا ما شاء الله زاخر بالاكلات الطيبة
بصراحة اني مو كثير شاطرة بالمعجنات
