الوسم: البريطانى

اهلاً حبيبتي ام ياسين
فعلاً وحشتيني وافتقدناكي
يارب تكوني كويسه وياسين كمان
اختي انا هختصر عليكي الطريق واقولك دخليهم امريكي وريحي دماغك
متعمليش زيي عملت شاطره ودخلتهم بريطاني علشان اقوى من الامريكي
الاولاد تعبوا جداً وانا معاهم
دلوقتي بيدرسوا منهج كندي قريب من الامريكي كتير بس احسن
استفادوا كتير وانا مش بتعب زي الاول معاهم
واضح فعلاً الفرق الكبير
غير الانشطه والتجارب العمليه والبحث عن المعلومه بنفسهم
ده كنت بسمعه كتير لكن كنت بفضل البريطاني واقول اهو هارد في المذاكره بس قوي وحصيلتهم العلميه هتكون لا بأس بها
انما بجد بجد ندمت على ما فعلت هههههههه
ربنا ييسر لك اللي فيه الخير
ومتنسيش الاستخاره قبل ما تقدميله في اي مدرسه

اما عن المدارس الفجر ممتازه لغاية صف خامس وبعدين بيهملوا شويه هي بتدرس البريطاني
مدرسة النجاح كمان كويسه والاسلاميه الانجليزيه ممتازه
اما لو امريكي فالمدرسه الامريكيه الوحيده اللي اتذكرها غاليه جداً وصاحبتي كانت مدرسه فيها قالت انها مش كويسه ولا حاجه
ان شاء الله الاخوات يفيدوكي اكتر بخصوص المنهج والمدارس الامريكيه
ويحكولك عن تجاربهم