السلام عليكم جميعا ,
امبارح بلشت بلشة غير شكل ! عملت كبة لاول مرة بحياتي و كبة غير شكل , وهي كبة الرز و لانها طلعت بتعقد و لذيذة كثير قلت لازم اعلمكم اياها , شمروا و الحقونييييييييييييييي
1- قومي بغسل الارز ونقعه , ويجب استخدام رز مصري , انا استخدمت صن وايت لانه بدك شي ينعجن , نقعته تقريبا ساعتين في ماء دافئ.(انا عملت 4 اكواب )
2- حضري الحشوة كالتالي :
– حمري لحمة الكفتة في قليل من الزيت, حتى يتبخر كل الماء النازل منها.(حوالي 400 غم)
– ضيفي 3 بصلات مفرومة ناعمو وحركي 3 دقائق
– بهري اللحمة بالملح و الفلفل الاسود و القرفة و الهيل المطحون و البهار المشكل.
– اضيفي نصف كوب زبيب مقلي و اطفي النار.
– ضيفي نص ضمة بقدونس مفرومة و حركي و صارت الحشوة جاهزة وهذه صورتها :
3- اطبخي الارز بدون زيت ,( لكل كاسة رز كاسة و ربع ماء) مع عصفر او كركم + ملعقة كاري و ملح حتى يعطي لون اصفر و الرز يجب ان يكون طري شوي مثل الصورة :
4- اقلبي الرز في جاط كبير و اهرسيه في مهرسة البطاطا , ممكن استخدام مفرمة اللحمة بس اطيب لما ما تكون العجينة ناعمة كثير لانها بتبقى تقرش اكثر عند القلي.
5- اضيفي للعجينة بيضة و افركيها بايدك بسرعة حتى تحصلي على عجينة متماسكة :
6- بللي ايديكي بالماء و شكلي العجينة على هيئة اقراص , و احشيها باللحمة اللي حضرتيها وهذه صورتها , اعذروني اول مرة بكبكب و الاشكال كانت عجبة بالاول !!
7- اقلي الاقراص في زيت غزير و حامي حتى تحمر و يصير لونها ذهبي , و على فكرة تاخذ وقت اكثر من كبة البرغل.
8- قدميها مع السلطة و اللبن اذا بتحبي
— هذه الكمية بتعمل حوالي 40 قرص متوسط , كما انه يمكن تفريزها بدون قلي طبعا !!
ان شاء الله تعجبكم و صحتين مقدما و دمتم سالميييييييييين 
تسلم ايدك بجد مدهشه
كثييييير روعه وعجبتني
ان شاء الله بجربها
كتبت بواسطة @ بطة @ 
و ايديكي يا بطة , هلكتينا لما قلبتي المنتدى ! بطلنا نعرف راسنا من رجلينا !!! 
كتبت بواسطة soso22 تسلم ايدك بجد مدهشه
كثييييير روعه وعجبتني
ان شاء الله بجربها
اهلا يا سوسو , و الله انها روعة , جربيها و على ضمانتي 
و هي شهادة الضمان
كتبت بواسطة أم فئ و ايديكي عزيزتي
بس حيرتينا شو الواحد بدو يطبق ليطبق بالراحة علينا
اعذريني عزيزتي سانقل الموضوع للمقبلات لانه من ضمن المقبلات
كتبت بواسطة حنان(البحرين) اعذريني عزيزتي سانقل الموضوع للمقبلات لانه من ضمن المقبلات
و ايديكي يا حنان بس الصراحة صدمتيني بالنقل 
!!! لانه هذا طبق رئيسي , بعد كل هذا التعب !! يؤكل وجبة رئيسية ! و على كل انت ادرى
كتبت بواسطة أم أيموني و ايديكي عزيزتي
العجينة مثل عجينة البرغل تقريبا , و البيضة بتساعد في تماسكها المهم انه ايديكي دايما يكونوا مبلولين و انتي بتكبكبي و صحتين مقدما
