اهلا وسهلا بيكم حابه اةلا اشكر كل من اتاح لنا الفرصة هنا للتعلم واشكر المصممه أشواق لفتح لنا الباب والدخول في هدا العالم واشكر سعاد على مجهودها الجبار في اكمال الطريق وهده الاضافه الي بضيفها من احدى الدورات التي اقيمت في النت الله يوفق ويجازي الي قامت بها احب انوه ان هده الدروس سهله جا وتكاد تكون بعيده عن كثره الحسابات والتقسيمات للماليكان ومثل ما تقول سعاد مع التدريب وبتتسهل الامور وبتتقنوها بسرعه بحط لكم درس درس علشان تتربوا عليه من حب يشارك بطرح مجهودة فليطرحه هنا بعد الدرس الله يوفقكم ان شاء الله
ملاحظه:
زي ماقلت هده دروس منقوله من احدى المنتديات للاستفاده وبنقلها بالحرف لان اسلوب الاستاذه مره سلس بس المحاولات الكثيره بتسهل عليكم الامور كثير
ببدأ بأسم الله
الادوات المستخدمه في التصميم ~
,,
1● كراس رسم :
" ما تحتاجينه حالياً لان الورق هذا نوعاً ما غالي وبتغلطين كثير الين تتعلمين " طبعا مب شرط التصميم على هالورق بس ميزة الورق هذا سلس بالرسم مره" ..
2● ورق نوع A4 :
الحزمه 80 غرام بـ 15 ريال من اي مكتبه .. الـ 80 غرام يمكن 500 ورقه او اكثر بكثير يعني عيدي على كيفك وشخبطي وتدربي وفليها 
..
3● اقلام رصاص :
نوع فايبر كاستيل " بالنسبه لي ما استخدم الا نوع
BH مررررره حلو ويساعد بالرسم .. و اي نوع ثاني يكون خفيف ..
4● مساحه عاديه :
" روكو أفضل نوع" ..
5● مساحه معجون :
سعرها 3 ريال بجرير .. ميزتها تقصين منها الحجم اللي محتاجته وتمسحين لان ممكن يكون المكان اللي بتمسحينه دقيق وما تبين تخربين اللي حوله بالمسح ..
ملاحظه / "حطيها في علبه خاصه صغيره او لفيها بورقه" .. لانها معجون ويلصق عليها الوسخ والبرايه بسرعه ..
6● ألوان :
الوان خشبيه .. أكريليك .. شدو << حق المكياج 
اي شي ممكن تبتكرينه ,, مب لازم شي معين وممكن تستغنين عن الألوان بالفوتوشوب مره حلو بس متعب شوي .. بس انا افضل الأكريليك على الجميع .. وممكن تشترين الوان فحم ماركة فايبر كاستل سلسه وحلوه بالرسم 
..
7● فرش الوان :
للتلوين بالاكريليك او الخشبيه مع المويه .. حقاتي اللي فوق شريتها من جرير 6 قطع بـ عشره ريال مرررره حلوه .. الا ثنتين منهم واصلا ما احتجتهم ..
صورتهم فوق مب واضحه بس بحط لكم صوره اوضح اذا بدينا الدروس ..
8● قلم حبر اسود :
قلم حبر نحتاجه بعدين للتحديد .. افضل نوع اللي يجي راسه مدبب شوي وبلاستيك .. من جرير بـ 6 ريال اظن ..
ملاحظه :: ما يحتاج تشترون كل اللي فوق .. بس اللي تحسين انك محتاجتهم لرسمك .. و لا تشترون ادوات احترافيه مب لازم اي شي متواجد عندك بالبيت وتحسين انه ممكن يفيدك استخدميه ..
مثلاً .. رسمتي العين اللي بأول الموضوع استخدمت فيها
(قلم رصاص عادي الاتحادي + فلينه للتظليل كسرتها من كرتون طماط ) بس وطلعت معي هالعين .. ويوم شريت اشياء احترافيه مثل " المساحه الإلكترونيه " نطلتها وما بعد استخدمتها الى الآن ولها سنتين عندي بس حللها سوسو ولد اختي يسوي بها مسدس 
وبس ..
بما انه الدرس بس تعريف بالادوات بدمجه مع درس ثاني
░▒▓█ الدرس الثالث █▓▒░
█▌ ◄ خطوات رسم اجزاء الـ "Body" الجسم ~
,,
█ رسم الشكل العام – الاكتاف -الذراعين ◄
صباح / مساء الورد على الجميع ,,
ان شاء الله الكل متحمس اليوم 
قبل ما ابدأ الدرس حابه اقولكم شغله ..
انا مب محترفه بالرسم .. بس ممكن اعلمكم كيف يكون البدي عندك متناسق .. وَ وشي القواعد اللي لازم نتبعها علشان يكون البدي شكله صحيح ومنطقي ..
بنبدأ اليوم رسم الشكل العام للتصميم اللي هو طول البدي وكيفية تقسيمه .. الدرس بإذن الله سهل جداً ..
جهزوا اوراقكم الـ A4 و قلم الرصاص BH ليه قلت هذا النوع بالتحديد !!
لانه سلس بالرسم مررررره .. بس حطوا في بالكم الزين ما يكمل هذا النوع يووووووصخ الورقه مره .. بس لا تمسحون ابدددد الا آخر شي بعد ما تخلصون غسلوا بالصابون ونشفوا يديكم زييين وامسحوا الوصاخه ..
طيب هنا نشوف كيف رسمت البدي ونلاحظ فيه انحناءه فوق النقطه الحمراء و تحت النقطه الحمراء مستقيم ..
الميلان ليه !!
لان بتكون وقفة العارضه مايله دايماً ما تكون مستقيمه كنها لوح .. الميلان يخليها انسيابيه
علشان تتعلمين رسم الخط هذا عندك ورق الـ A4 ارسمي وشخبطي وتدربي على الورقه الوحده كم مره
بس يهمني النص اللي فوق فيه انحناء واللي تحت شبه مستقيم
ما يهمني استقامة الخط اللي تحت من اي جهه لانه بيكون للرجول وموازنتها فقط مب راسمين عليه شي بعدين
الحين الخط اللي عندنا رسمناه نقسمه ثلاث اقسام متساويه ,,
القسم الاول : بيكون للجزء من هامة الرأس الى السره
القسم الثاني : بيكون للجزء من السره الى الركبه
القسم الثالث : بيكون للجزء من الركبه الى القدم
انا بالورقه هذي قسمتها 8 سم+ 8 سم +8 سم << يعني طول البدي كله 24 سم
هذا انسب طول لورقة الـ A4
لازم وضروري تقسمين هالتقسيمه في رسمك للبدي علشان يصير البدي متناسق ..
التقسيمات خليها بقلم خفيف غير الـ BH ولا تضغطين القلم ابداً علشان بعدين بنمسح الخطوط كلها حقت القياسات ..
تقسيم الجزء العلوي من الجسم ,,
بنقسم الجزء اللي فوق 3 اقسام .. بيكون الاول والثاني نفس الحجم بالضبط
الاخير بيكون حجمه ثلثين الحجم الاول ..
القسم الاول : بيكون من الرأس الى الاكتاف
القسم الثاني : بيكون من الاكتاف الى تحت الصدر
القسم الثالث : بيكون من تحت الصدر الى السره
علشان تفهمون ان الاخير ثلثين الاول
شوفوا انا قسمت الاول 3 سم الثاني 3 سم الثالث "الاخير" 2 سم <<يعني ثلثين الاول
1+1+1 = 3 سم نبي ثلثين فقط 1+1= 2 سم
رسم الاكتاف ركزوا معي 
طول الاكتاف بيكون نفس طول الجزء الاول + ثلث واحد زياده
يعني الجزء الاول 3 سم صح !
كم الثلث الواحد فيه !! 1 سم صح !
يعني بيكون الكتف 4 سم << تقول يارب فهمتوا 
ترى على فكره مب لازم 3 سم
بس انا اشرح لكم كذا ثلث ثلثين علشان يضبط على قياسكم انتم
"بس قياساتي زي ما قلت لكم تراها انسب شي لـ A4 ..
اللي تبي تسوي مثل قياساتي بالضبط ما فيه اشكال
بالنسبه للاذرع .. تقريباً بتكون موازيه لنص القسم الاخير (شوفوا الخط الرصاص اللي بين النقطتين الزرق اللي تحت) اللي يهمني بالاذرع الكسره يعني اذا رسمتي خط الذراع لازم تكسرينه يا لبرا يا لجوا " انا كسرته لابرا" << وش اقصد بالكسر
يعني لا يصير خط الذراع مستقيييييييييم الين اخر اليد .. لا لازم نميل الخط من المرفق علشان تصير اليد حره مب جامده ..
طيب الحين نرجع للأكتاف
نشوف فيه A و B نلاحظ ان منطقة A اصغر من منطقة B ليه هذا الاختلاف !!
زي ما قلت قبل علشان العارضه مايله شوي يعني ما نشوف طول جهة A زي B ابد ..
…………………………………………
بكذا خلصنا حصة اليوم ان شاء الله فهمتوا ..
الرجاء التقيد
█ الواجب ◄
╠ في ورقه واحده _ رسم الخط الأساسي للبدي+ تقسيم البدي لـ 3 اقسام+ رسم الكتف والأذرع ╣
عندكم اسبوع تتدربوا عليه الى اللقاء في درس ثاني
تحياتي
على حسب الردود ستكون الهمة اذا انضموا وسوف ابذل قصار جهدي بمنهجية و روية 
