السلام عليكم ورحمة الله وبركاته
كيفكمـ أخواتي المتزوجات والحوامل واللي بيربوا ؟
جيت لكمـ كاالمعتاد طالبة مشورتكمـ ومساعدتكمـ لأن أهل الخبرة أكيد بيفيدوني وبيقدمون لي حل أو رأي يسهل علي !
ماأطول عليكم :
انا الآن حامل وعلى وشك دخول شهري السادس وهذا أول حمل لي بكريه يعني
وصاير خلاف كبير بيني وبين أهلي وبين زوجي واهلي سبب قطاعه بيني وبينهم تقريباً سبع شهور مع انه المسافه مو كبيره بيني وبينهم لكن المشاكل
الآن مابقى غير 3 شهور على الولادة وطبعاً زوجي مانع منعاً باتاً روحتي لهم بعد الولادة
هذا غير أن أنا ماأظمن استقبالهم لي وصعبه اني ماأوقف مع زوجي واروح لهم بعد غياب عنهم 7 شهور
فبأذن الله بتنفس في شقتي لكن ماأعرف شيء ومتورطه في موضوع الأكل ورعاية الطفل بداية الولادة ورعايتي لنفسي والضيوف وغيره
اكيد بتقولون أهل زوجك لكن برضوا ماأقدر اثقل على ام زوجي ووش بيقولون الناس عني ؟؟
الحين انتوا اش رايكم ؟
قلنا بنجيب خدامه بالآجار لكن الحبشيات ابدا ماتستفيدين منهم
فخدمتكم اذا تعرفون احد يأجر خدامات اندونيسيات فلبينايات المهم تعرف تطبخ وتنظف
فأقدر أعتمد عليها بعض الشيء ؟؟
لأني سمعت أن في من يأجرون شغالاتهم كذا ، يارب تقدرون تفيدوني وتدلوني على رقم لهم ..
هذا مشكلتي بإختصار وكل العشم في انكم مابتقصرون ..
وجزاكم الله خير .
ان شاء الله الاخوات يقدروا يفيدوكي اذا يعرفون شغالات
للإجار…بالنسبه للنفاس شوفي قوقل فيه معلومات
رضا الله من رضا الوالدين
انت فرحانة بالوضع اللي قلتيه مع اهلك
اذا امك وابوك موجودين ارجعي لهم
هم اللي ينفعوك
والله صدقيني الزوج عمره ما ينفعك
طالما انه امرك بالقطيعة المفروض تخافين منه
وتخافين على نفسك منه
انت اول وحدة حتتاثر نفسيتك في النفاس لبعد اهلك عنك
هو ماراح يتاثر ولا راح يتحمل تعبك والامك وبكاء الرضيع
راجعي نفسك واهتمي بنفسك
معليش قلبنا الموضوع عن طلبك لكن حز في انفسنا سالي نفسك لو صارت مشكلة
بينك وبين اه لزوجك وقلت له خلينا نقاطعهم هو راح يسمع كلامك ويقاطعهم
والله لو تموتين قدامه وتبيكن حيقول لك هذول اهلي
واعرفهم من زمان وقبل لا اعرفك
انت بسرعة اتخليت عن اهلك .
ا
ويهديلك زوجك واهلك
لكن اولا احرصى انك تصلحى بينهم وبين زوجك وستجدى ان الله ييسر
كل امر عسير
يا أختي,,,,, أنا ناصحة لك ما في شي بالدنيا يعوض عن حنان الأم والوالدين
يا أختي ,,,,أنا ما ألومك يمكن ما أدري وش الظروف اللي خلتك تقاطعينهم لكن مهما كان الزوج ما يغني أبدا عن الوالدين وهذي أولها إنك احتجتيهم وقت ما ضامك الزمان حين إنك تبغين الرعاية من أهلك
يا حبيبتي,,,,, راجعي نفسك واقنعي زوجك وباقي قدامك وقت عشان تصلحين اللي بينكم وفكري بأمك وأنتي ضناها مثل ما تخافين على اللي بطنك الحين وش إحساسك فيه هل تخافين عليه ؟ هل تحبينه؟؟؟؟؟ هل يرف قلبك من الفرح والشوق لما تسمعين دقات قلبه؟؟؟؟؟؟
حبيبتي,,,,, هل تتمنين لما يكبر يجي يوم ويستغني عنك بزوجته أو إذا كانت بنت بزوجها وتتركك وتقاطعك أسبوع واحد فضلا عن سبع شهور ؟؟؟؟؟!!!!!!! والله مدة طوييييييييلة
والله احنا ما عرفنا قدر والدينا إلا لما جربنا الموت في الطلق والولادة لكن الله يتوب علينا وعسانا نوفيهم قدرهم والله يقدرنا على ذلك حتى لو كانوا هم الغلطانين يبقون الجنة برضاهم ,
واعذريني لو طولت عليك لكن ما قدرت أتحمل وودي لك الخير
الله يهون عليك ويرزقك ساعة يسر ويوفقك ويصلح شانك ويسخر زوجك وأهلك يارب
استودعك الله.
الله يهديلك هالرجال ويصلحه يارب
تخيلى يا اختى لو انك فقدتى احدا من اهلك فى فتره القطيعه بعد الشر لسوف تندمين اشدالندم لانك ضيعتى لحظه واحده كنتى قاطعتيهم فيها فارجعى لعقلك وانسى كل شئ قبل فوات الاوان
آسفه على قسوتى معكى ولكنى ارى الموضوع بموضوعيه اكثر منك ولانى خائفه عليكى
ربنا يحفظك ويهدينا واياكى
