طريقة الخرشوف سهلة و بسيطة قوى المشكلة فى تجهيزه ولا هتجيبيه جاهز ( مجمد ) عموما أيا إن كان هقول لك
المقادير : 1/2 ك لحمة مفرومة و معصجة ( أو كمية حسب عدد الخرشوف ) عدد الخرشوف المحتاجة إلية /
____ 3 فصوص ثوم مهروس ناعم /بصله متوسطة مبشورة / عصير طماطم أو صلصة / زيت للتحمير وهذا أيضا حسب رغبتك ملح / فلفل / ماء للسلق / عصير ليمون أو ملح ليمون للسلق وذلك حتى لا يتغير لون الخرشوف وبس خلاص خلصت المقادير
إليك الطريقة : * يجهز الخرشوف وذلك بتقشيره و تفريغ قلبه هكذا كما بالصور
———— ثم تغلى الماء مع إضافة عصير الليمون ثم تضعى الخرشوف حتى يتم النضج و ترفعيه من فوق النار و تصفيه ثم تقومى بتحميره فى زيت حتى يصبح ذهبى اللون وهذا بيكون دسم شويه ( وممكن تحشيه على طول بدون تحمير بيكون أخف لكن المحمر ألذ )
* ترص وحدات الخرشوف فى صينية أو طبق بايركس وتحشى الوحدات باللحم العصاج
* تجهز الصلصة بتحمير البصله و الثوم فى ملعقة زيت حتى يصفر لونهما يضاف إليهما عصير الطاطم و الملح
و الفلفل و تترك تغلى لمدة دقيقتين ثم تصب فوق الخرشوف و يدخل الفرن حتىيتشرب جزء من الصلصة و يحمر
الوجه ثم يخرج من الفرن و يقدم بالهناء و الشفاء
إن شاء الله أكون شرحت كويس و طريقتى تعجبك
إن شاء الله يعجبك
وبالمرة خليني اشكرك على طريقة الكشك .. بنتي كانت بتسألني عنها وبعديها دخلت النت لقيتك كاتبة الطريقة..
تسلمي يا قمر منور.
وبيحب التنوع فى الشوربة و الكشك كمان بيبقى لذيذ و ألف هنا لك و لبنوتك
و أى حاجة أنا تحت أمرك صحيح أنا مش بأكتب طرق كثيرة لكن عندما بألاقى حد من البنات بيسأل على طريقة و بأكون عرفاها بأكتبها على طول .
لك تحياتى
ومشكورة سلف