ومع العيد تحلى المشويات وحفلات الشواء
وعلشان كده فكرت اننا نعمل ملف للشواء
كل واحده تحط الخلطه المعتمده للتتبيله اللي بتستعملها للشوي
والملف مش هيكون للحوم بس
لحوم – دجاج – اسماك – جمبري
المهم انه يكون من ايديكي
كل واحده حابه تنزل الوصفه بالصور هنا اوكي اللي حابه تنزله في موضوع منفصل وتحط اللينك وصوره الطبق النهائي اوكي
يلا فرجونا على احلى مشويات
وكل سنه وانتم طيبين
اللحمه المشويه
*طبق متميز*اللحمه المشويه من مطبخ ام ملك بالصور
وبالنسبه لتتبيلتي المعتمده في شي اللحم والدجاج فهي كالتالي
2كوب زبادي
3ملعقه كبيره صلصه طماطم
5ملعقه كبيره بصل بودره
4 ملعقه كبيره ثوم بودره
2ملعقه كبيره جنزبيل بودره
2ملعقه صغيره كمون
4ملعقه صغيره ملح
2ملعقه صغيره فلفل اسود
8 ملعقه كبيره خل
وعلى فكره دي تتبيلتي المعتمده في شوي اي حاجه بس المقادير بتختلف يعني بزود الخل للحمه علشان الانسجه تطرى شويه وبزود المقادير على حسب الكميات بس المكونات ثابته
دى مشاركتى المتواضعه فى ملف مشويات العيد
والتتبيله اللى بستعملها متوارثه فى العيله كل ام تعلمها لبنتها يارب عقبالى لما بنوتى تكبر واعلمها لهاو مقادير التتبيله كالتالى
لكل كيلو لحم
عصير 2 بصله كبيييييييييرة او مبشورة ناااااااااعم بالمبشرة الضيقه الثقوب
4فصوص توم مبشور ناعم
1 فلفل احمر حلو مقروم ناعم فى الخلاط
3 فلفل اخضر حاااااااااااااار مفروم ناعم فى الخلاط
ملعقه كبيرة مسطرد
ملح.. فلفل.. بهار لحم مخلوط
2 فص حبهان
2 ورق لاور
تخلط كل هذه المقادير حتى تكون ما يشبه المعجون وينقع فيه اللحم لمده ليله كامله مع التقليب الجيد من حين لاخر
و كل سنه وانتم طيبين
انا بانتظار راي باقي الاخوات ووصفاتهم للتتبيل وتسلم الاياااااااادي
صدور دجاج مقطع مكعبات
التتبيلة ( زبادى- مايونيز- كاتشب- صلصة طماطم-
زيت زيتون- خل- ملح وفلفل وزنجبيل)
يشوى معه فى السيخ ( بصل – طماطم- فلفل أخضر)
شيش كباب
ستيك لحم رقيق
التتبيلة ( ورشستر شير صوص- صويا صوص- زيت زيتون
– خل – ملح وفلفل- قرفة)
يشوى معه فى السيخ مكعبات بطاطس