ولما يشوف اهلو يصلو **** ويسجدوا ويعبدوا لحجر
يحير فيهم وش رام يعملو **** باصنام ما تسمع ولا تهدر
كان يحب يخدم عقلو **** وقبل ما يعمل حاجة يفكر
وهاذ الدنيا بالنسبة لو **** الي خلقها الاه واحد اخر
هو الله جل جلاله **** الرحمان الحي القادر
الي خلق العلم بكمالو **** وهو الي ينفع ويضر
هو سبحانه الحر في فعالو **** وهو يحاسب الناس فاللخر
هو وحدو الي نسجدلو **** وين نلقاه ..وباقي يفكر
لتم انبينا بقى على حالو **** سنين وسنين وهو يتدبر
ويعبد فالله بلي بقالو **** من مناسك اوشعائر
تاع نبي الله خليلو **** ابراهيم ابن ازر
كان نبينا يطلع يخلو **** فغار حيراء كل عام شهر
يفوت رمضان حتى يكملو **** ينزل يطوف بالكعبة ويكبر
يروح للحجرالاسود يقبلو **** من بعيد يدخل لدارو فاللخر
حتى نهار الله كملو **** اربعين عام وبدات تظهر
المبشرات والمنام يخرجلو **** ويسمع التسبيح تاع الحجر
ولما يفوت الشجر يسجدلو **** ويسلم عليه وهولا خبر
انو ربي سبحانه وجدلو **** اكبر رسالة بعثها للبشر
حتى نهار جبريل خرجلو **** فغار حيراء وشدو من الظهر
وقالو اقرا نبينا ردلو **** ما انا بقارئ وجبريل يكرر
ثلث مرات من بعد قرالو **** سورة العلق حتى للاخر
كانو جاوبو على سؤالو **** شكون الخالق وردلو لخبر
نبينا هبط يجري لاهلو **** خايف مدهوش او متوتر
طلب من خديجة باه تزملو **** وتغطيه كامل بالزور
ولما فطن لقاها قبالو **** قاعدة تونس فيه وتصبر
حكالها كاكل واش صرالو **** وقال لها … انا النبي اللخر