السلام عليكم ورحمة الله
اليوم عملت محشي اللفت
وهي طبخة فلسطينية طيبة
وحبيت أعرض الطريقة في المنتدى
المقاديــــــــــــــــر
3 كيلو لفت
كوبين من الأرز
ربع كيلو لحمة مفرومة
ضمة بقدونس
ملح وبهار ( قرفة وفلفل أسود وكركم وبهارات مشكلة )
سماق 4 ملاعق
دبس الرمان ملعقتين ويمكن استبداله بعصير 3 ليمونات
عصير طماطم مقدار كوبين
واليكم الطريقة
أولا نقشر اللفت بمقشرة البطاطس ونغسله جيدا
وبعد ذلك حفره بحفارة الكوسا
وهذا شكله
بعد الحفر لا نرمي اللب وبنخليه على جنب
والآن نقع الأرز وتصفيته
نضيف للأرز البهارات واللحمة المفرومة والزيت والبقدونس
وهذا شكله بعد اضافة المكونات له وهي للحشي
وهذا اللفت بعد الحشي
نحضر اللب ونضعه على الزيت في طنجرة
ونقلبه مدة ربع ساعة
في هذه الأثناء نقوم بقلي اللفت فالقلي يضيع المرارة منه
بعد هيك نصف اللفت بالطنجرة فوق اللب 
نضع عليه الماء والملح والقليل من البهار
والآن وبعد ربع ساعة من الغليان نضيف عصير البندورة المصفا وعليه الدبس والسماق
نتركها تغلي مدة ربع ساعة وهذا الشكل النهائي بعد وضعه بالصحن
أنا واضعة الشوربة كمان لأنها كتير طيبة مع اللب
وهنا وهي جاهزة للأكل 
وانشالله صحة وهنا
احكولي رايكم بالطبخة
وانشالله يطلعو الصور وتزبط معي يا رب
وشكرا لقرائتكم موضوعي
تسلم ايدج
أسعدني مرورك starlight
بجد يستحق التميز
انا اشتهيتو احنا بنعمله بالطحينيه بكون طيب كمان
شكرا يا قلبى للطبق الرائع
بشهيييييي يسلمو ايديكي يا قلبي ابعتيلي حبة لا سلكيا
احنا برضو هيك منعمله بس احنا منعمله على تمر هندي مو بندورة ودبس ….
فكرك اياهم اطيب
؟؟؟ في ناس بتسلقو وبتعملو زي الحمص يعني بتخلطو في الخلاط مع توم وطحينيه وزيت جربتو بس طلع كتير مر وكرهت اللفت من بعد هاي الوصفه
يسلمو ايديكي……..