جيتكم في طبق رئيسي لمحبي الزفــــرر لكنه مو زفر
وانشالله يعجبكم
طبق الروبيان بالكريمه
المقاديـــــــر:
1- روبيان الحجم الصغير مسلوق
2- بطاطا مسلوقه ومقطعه مكعبات
3- كريمه كي دي دي الحمراء ( هاذي عندنا بالكويت وماادري شنو بدالها بالدول الثانيه بس عوضوها بكريمة الطبخ السائلة )
4-مشروم مقطع شرائح
5- فلفل اسود + ملح + مكعبات ماجي ( للي ما يحب مكعبات ماجي يعوضها بالبهار اللي يحبه )
6- جبن موزاريلا مبشور
7- بصل مفروم ناعم
الطريقــــــــة :
– احضري صينية بايركس + سخني الفرن حتي يسخن .
– ااقلي البصل بالزبد او بالزيت … ثم اضيفي مكعبات ماجي والملح والبهار المطلوب حسب الرغبة … واضيفي المشروم المقطع .. ثم اضيفي الروبيان عليه .
-في صينية البايركس .. ضعي البطاطا المسلوقه .. ثم ضعي الخلطه السابقه .. ثم رشي جبن الموزاريلا المبشورة على الخليط .. وفي النهايه صبي الكريمه على الخلطة كلها ..
-ضعيها بالفرن حتى تشاهدين الجبن يبدأ يشقر لونه …
وكلوها بالعافيــــــه………
انشالله تعجبكم .. الصراحه انا عجبتني الاكله حيل ..لانها لذيـــــذه وسهله بعد ..
يعطيك الف عافيه بنت امها
والله يسلمك اختي شمالية غربية …
وانشالله ان اطباقي المفضلة تشرفكم وتشرف كل من يتصفح هالموقع
عجبني الطبق وحفظتة عندي
وتسلميين
وانشالله بتحفظينه ببالك لما تجربين تسوينه .. لان المقادير سهلة وما تحتاج حتى انك تطالعين الورقه