الوسم: الإختيار

ثان شي.. انا اغسل شعري بشامبو مخصص للشعر الجاف والتالف حتى لو كان شعري يمر في فترة متحسن فيها .. برضو مااختار الا شامبو للشعر الجاف .. وطبعا اكيد كلكم عارفين دا الشي .. لكن احيانا ينزل شامبو جديد او ريحته تعجبنا ههههه ويغرينا انا نستخدمه .. لا تستخدمي الا شامبو للشعر الجاف والمتقصف والجاف حتى لو شعرك اتحسن لانه في الاصل جاف .. اتفقنا؟
وبعد الشامبو استخدم ماسك مرطب وغني واتركه تقريبا 10-15 دقيقة و خلال هالوقت اليف جسمي يالليفة او احف رجلي بالحجر .. المهم اسوي اي شي بعدين اغسل شعري من الماسك ..

ثالث شي .. كل وحدة واللي يناسبها .. انا اغسل شعري تقريبا كل 3 ايام .. واحاول اني عالاقل مرة في الاسبوع احط زيت على شعري او حمام كريم او خلطة من خلطات المنتدى الحلوة والمجربة ..

رابع شي .. بالنسبة للزيوت .. انا مو اي زيت ناسبني للاسف .. احيانا اسمع عن زيت .. واجربه ويطلع ما يناسبني .. بالنسبة للزيوت اللي اتوقع تناسب الشعور الجافة وناسبتني انا كمان ..

زيت الزيتون ..

ما استغنى عنه ..ماشاء الله ممتاااااز واحيانا لما زوجي يكون مسافر او راح يتأخر في العمل ادهن منه كم مرة على شعري من الامام (الغرة) كأنه كريم تسريح..

زيت البابونج ..

عجبني كثير الحمدلله وهذا الزيت يبرز اللون الفاتح .. وكمان يطري الشعر

زيت اللوز الحلو ..

حلو كثير برضو يطري الشعر ويعطيع لمعة حلوة ..

بالنسبة لزيت الخروع مرة ما ناسبني ولا زيت الذرة ..

وطريقتي في وضع الزيت ادفيه شوية بحمام مائي .. واقسم شعري وكل قسم اغرقه زيت وبعد ما اخلص احط نايلون الاكل او كيس نايلون واخليه ساعتين فقط لا غير.. او احط عليه كمان منشفة دافئة .. على حسب المزاج هههههه

وبس بعدين اغسله ..

خامس حاجة .. الخلطات اللي جربتها وكانت كويسة ..

1- علبة لبن زبادي+ ملعقتين او 3 ملاعق كبيرة مايونيز + صفار بيضا

2- موزتين مستوية + زيت زيتون+ ملعقتين عسل

وللعلم هالوصفتين اخذتها من المنتدى هنا

نفس طريقتي في وضع الزيت .. بصراحة روعةةة ..

نصايح مهمة :

واخيرا .. احرصي اختي على قص اطراف شعرك التالفة كل شهرين .. ودايما احمي شعرك .. وقبل ماانسى انتبهي في هذا الصيف تحطي زيت او كريم وتطلعي في الشمس .. شعرك راح ينقلي يا لطيف انتبهي !! كمان في كريمات مخصصة للشعر لما تطلعي في الشمس ..او البسي قبعة كبيرة وخفيفة مو حارة يعني مو قبعة جينز اذا ما حصل لك فرصة تشتري كريم خاص للشمس ..

وبعد ما تستحمي ادهني شعرك شوية كريم وركزي على الغرة والاطراف واتجنبي الجذور حتى ما يدهن بسرعة ..
وبعدين سرحيه .. وبالنسبة للاستشوار يا قلبي خليه مرة في الاسبوع لا اكثر .. مع الاهتمام ..
وقبل الاستشوار حطي كريم او جلوس خاص بالتسريح ..

ارجو اني اكون افدتك اختي صاحبة الشعر الجاف ههههه مع خالص حبي وتقديري ..

** هذا الموضوع خاص فيا انا كتبته فقط لمنتدى لك .. ارجو عدم نقله لمنتدى اخر او ايميل او موقع**