السلام عليكم
معذرة على التدخل بس لفتني العنوان ولما دخلت لقيت سؤالك حلو يا واحة ..
شوفي ياقلبي .. بقالي اكثر سنتين مش بروح صالونات ..
اتعلمت اقص لنفسي .. والسيشوار والصبغ وكمان خصل الشعر كل شغل ذاتي والبديكير والمنيكير.. بتنبهر بيه ستات العيلة وبعمل لهم كمان ..
شوفي حبيبتي .. لما بدأ شعري يخف ( بسبب الرضاعه وما الى ذلك من عوامل التعرية).. استعملت الطريقة الثانيه اللي ذكرتها ام آيات ( بتعطي حجم للشعر ).. بس المقص يكون بميل .. يعني ..
والشعر مبلل طبعا بالكاامل ومسرح بالمشط يقسم قسمين على الكتف اليمين والكتف اليسار ..
مع كل قسم تعملي التالي ..
تمسكي المقص بميل جهة الاسفل يعني مش بشكل مستقيم وتحددي الطول المناسب وسمي وقصي .. الجهة الاخرى كذلك ..
الطريقه السابقه بتخلي الشعر يطلع من ورا زي المثلث او بيضاوي .. على حسب ميل المقص في ايدك ..
جربي الاول في قص القلليل جدا .. وان شاء الله تتعلمي وتقصي لنفسك ..
طريقه اخرى لعمل الشعر ديجراديه .. (طبقات) ..
بردو مع بل الشعر كويس بالماء .. تسرحيه كله للامام مع امالة الراس للامام بعدين تقصي من الاطراف وتساويه كويس من الجوانب وكدا ..
رجعي الشعر لورا واستمتعي بشغل ايدك ..
اها .. كمان للغرة ( القصه الاماميه ) تاخذي كمية الشعر المناسبة لشكل وحجم وشك .. تسرحيها نزولا على جبهتك وتقصي بس مش تقصريها كتير عشان الشعر لما يجف بيكش .. والمنظر مش هيكون ظريف هههههههههههه ..
بعد ماتقصيها .. سرحيها يمين وقصي الزوائد الناتجه .. وبعدين سرحيها يسار وقصي بردو الزوائد .. هتطلع قصة رووعة ..
(( خبصي في شعرك بس اوعي تدعي علي هههههههههههه )) ووالله عن تجربه مش نقل ابدا ..
((( قصي القلييييل من الشعر في البدايه وتدرجي حتى تظبطي ايدك )))
:
بجد بيطلع شعرك زي قصة الصالونات ..معنتش بروح الصالون الا عشان اتحنى .. مع اني بعرف ارسم بردو الحنة بس هم عندهم اشكال متجدده دايما وطول بال على كدا ..
بالتوفيق حبيبتي ..
مع السلامة ..