بسم الله الرحمن الرحيم
كيفكم يا صبايا شو اخباركم
وكيف المشرفات الحلوات انا تاخرت بس يلا ان تاتي متاخرا افضل من ان لا تاتي
ومع هيك مشاركتين صغار يا رب تعجبكم
قصة هالطبق الغريب شوي هي ——-قبل 6 سنين قالت لي خالتي انها حضرة حفله لناس خلايله ووووووووينك ام المجد تعي احكمي
قالت انهم مقدمين هذا الطبق بصراحه من يومها انا متردده اعمله وعلى شان بحب اقدم كل شي جديد ومميز قررت اجربه اليوم
هذا الطبق مكون من البيض وهي الصوره بالاول
كبة البيض
المقادير
ما في مقادير قد ما بدك
بيض+لحمه مفروه+بصله ناعمه +سماق+شطه حمراء+فلفل اسود+ملح
بيضه مخفوقه+طحين+بقسمات +عجينةباف باستري
الصراحه هي حكت لي ما فيها عجينه بس انا عندما وصلت مرحلت القلي خفت تنزل الحشوه منها فقررت اني استعمل العجينه اذا بتلاحظو ما كانت موجوده بالصوره الاولى العجينه
الطريقه
اسلقي البيض سلق كامل واتركيه يبرد
في هذه الاثناء ذبلي البصله مع اللحمه المفروم +البهارات كل ما ذكر
احفري البيض مثل المحشي هون بدها شطاره الحفر شوي شوي وعلى مهل بدها طولة روح وانا شووووووو مره عصبيه ههههههه
بنحشي البيض بالحشو وبنلفها بعجينة باف باستري بس تكون العجينه كتير رقيقه
بمساعدةالطحين طبعا
نضع الكبه في البيض ثم في البقسمات ونقليها في الزيت
خذي بالك القلي شيك شيك مثل الطلق بتحمر ههههههههههه
ما ياخذ وقت ابدا
وبطلع عنا شوووووووووووو احلى كبه يا جماعه
وطبعا صفار البيض ما بنكبه افركيه مع حبة بطاطا مسلوقه وملح وزيت بصير عنا طبق مقبلات تاني
والف صحه وعافيه يا رب
عندما زوجي اكل اول قضمه من الكبه قال شو عامله في سمك الكليماري بعدين عرف انه بيض
اهلالالالالالالالالالا وسهلالالالالالالالا بالجميع
1
1
والان الطبق الثاني مكون من السمك والبطاطا
وهذا الطبق كنت قبل الله اعلم شايفته في التلفزيزن الله اعلم مين صاحبه
خلينا نشوفه بالاول
المقادير
كمان هون حسب ما بدك تعملي ما في مقادير
سمك خالي من العظم +بطاطا مسلوقه بنفس كمية السمك+ملح +عصرة ليمون +بيضه مخفوقه+رشة كمون +رشة سماق +رشة ملح+رشة فلفل اسود+رشةشطه +خبز شرائح طازجه منزوعه حفة الخبزه اسهل للشغل
سوف نحتاج الى سمسم +قزحه
للاسف ما كان موجود عندي الا خبز حمام يعني حاولت اوصل الفكره بس
الطريقه
اخلطي على الخلاط السمك +البطاطا المسلوقه +البهارات كلها
اضيفي البيضه لتتماسك المكونات
ضعي كل 4 قطع من الخبز بلصق بعض ورقيهم بالشوبك
قطعي الخبز الى دوائر صغيره بواسطة كاس
ضعي على كل دائره ملعقه من الحشو ثم اغمسيها بالسمسم+القزحه
اقليها بالزيت الساخن
وقدميها بالف صحه وعافيه يا رب
انا شخصيا كل هالاطباق وكل الاكل بحب يكون كتيرررررررررررررررر سخن ما بقدر اوكل شيء بارد
بطير العقل وهو سخن ههههههههه
الف صحه يا رب