"مرحلة الطفولة"
: رجل طيب جدا ومن يوم ماأعرفه وهو شايب وفيه من الخير الكثيييييير الي مانلقاه الحين : أمراه متسلطه جدا وعصبيه جدا جدا وتبي كل شي على كيفها وفعلا تقريبا كل شي على كيفها.
: رجل عاش الكثير من المأسي في حياته قبل أن يتزوج واكثرها بسبب امه الي ماترحم وعمي الي ماكان يشيل يده منه وهذا ورث عنده طباع سيئه وليته طلع لجديز
:أمراه جميله جدا بيضاء شقراء الشعر عسلية العينين نحيفة الخصر طويلة القامة لم تتجاوز 18 سنه من عمرها يعني مره حلوه الله يحفظها وصغيره وطيبه جدا طبعا البيئة الي تربت فيها كانت بيئة حب وحنان ورحمه ووناسه وخفة دم لكن مافيه شي يبقى على حاله نصيب ياماما لاتزعلي .6-اخوتي: كانو صغار واشقيا مره واختي كانت دايم تعبانه من يوم ولادتها واحد اخواني من ابوي في سني تماما بينا شهر والباقين الكبير 3 سنوات واخوي من امي سنه هو واختي قد بعض وهذا فارق السن بينا.
وبكذا انتهينا من الشخصيات .
لنبدأ سرد الحكايه:
ابوي وعمتي لم يكونو على وفاق دائما علما بأنها الأولى وامي الثانيه لكن هي ماتحملت عصبيته ولا تحكم امه ودخل مرره البيت ولقاها تهاوش مع امه وهذه القشه التي قصمة ظهر البعير دغررري الرجال طلقها ووداها بعيالها لهلها عموما هي ماتمسكة فيه كانت تبي الفكه بس غلطت حياتها ارسلت عياله له والولد الي بسني عمره لم يتجاوز 3 اشهر بصراحه مافيه رحمه طبعا الوالد حاول يرجعها بس هي رفضت بشده وقررت تتزوج من جديد والعيال ماتبيهم طبعا طاحوا في حلق امي مسكينه وازيدكم من الشعر بيت ضرب واهانات على شانهم
المهم مسكينه تعبت كثير عيال تقريبا في سن بعض والكل هي تربيهم مو مثل حريم الأيام هذي عندها 2 والشغاله وراها لا وتعبانه بعد وامي زادت بعمتها سيئة الخلق وزوجها سيئ وابوي مسكين تعب في حياته ماتصدقون عياله في جده ويداوم للشرقيه كل يوم ويرجع غير إهانات العمل وسياره زي الحلاوه واهله تعبانين وبنته مريضه وزوجته لوحدها شي بصراحه مو طبيعي.
بس كان قاسي على امي هو وجدتي لدرجة ان المره قلبة أخلاقها صدقوني"غصب عليها " المهم كبرنا على هالحال وصرنا نفهم ونشوف وكان ابوي مايعصب علي بالعكس كان يموت فيني ويقول هالبنت تنسيني همومي وفي يوم من الأيام ورغم كل الي حنا فيه اراد الله ان يختبرنا واحترق بيتنا الشي الي خسرنا كثير واوله البيت الي ماينسكن بعد الحريق وفلوسهم احترقت وذهب امي يعني فلسو علما بأنه ملك وعشنا فتره في خيمه بعد العز وسرنا ناكل ونشرب على حسنات قرايبنا الله يجزاهم خير وعمي الي هو اخو ابوي نكرنا كنه مايعرفنا علما بانه ساكن جنبنا المهم مرت اليام وانحلت المور شوي بس اهم شي انها مازادت صبرنا واحتسبنا وجدتي جاها سرطان وماتت وجدي مات ميته طيبه مثل حياته وكانت هذي الطفوله المأساويه الي ماكان يهونها علي غير عيون امي الحلوين الله يخليها لي ادعو لها ربي يعافيها هي والوالد وبكذا تنتهي المرحله الأولى اتمنى للجميع حياة سعيدة ولكل طفل حياه مستقره مع امه وابوه بدون هموم ومشاكل قولو آمين يارب
الهم عافى ابيكى وامك
اللهم امين يارب العالمين
هذا هو حال الدنيا بها مر و بها حلو
لا أحد يجدها كما يريد او كما يتخيل
مرة تبسط لك نفسها و تظن أنها جميلة
و مرة تدير لك ظهرها و نقول غدرت بنا .
بانتظارك يا أختي لتكملة قصتك
أعانك الله
بانتظارك أختى
ننتظر البقية
وامين يا رب العالمين
كتبت بواسطة همسة أحساس 
–
استغفرلهم أولاتستغفرلهم ان تستغفرلهم سبعين مرة….)